Қоғам

Жай ет емес, ет алтын: жылқы еті 17% қымбаттады

Energyprom.kz дерккөздеріне сүйене отырып, бұл ретте жылқы 11% көбейді, деп newsroom.kz хабарлайды.

Биылғы жылдың қаңтар–маусым айларында республика бойынша тірідей салмағы 125 мың тонна жылқы сойылды немесе союға сатылды, бұл өткен жылдағыдан 6,2% көп. Сойылған кездегі салмағы 64,6 мың тоннаны құрады, көрсеткіш былтырғыдан 6,1% артық.

Ең көп жылқы Түркістан облысында сойылды: тірі салмақта 14,5 мың тонна, сойылғанда 7,5 мың тонна. Үздік үштікке сондай-ақ Абай (тиісінше 13,5 мың және 7,1 мың тонна) және Ақтөбе (тиісінше 10,6 мың және 5,5 мың тонна) облыстары енді.

Биылғы жылдың 1 шілдесіндегі жағдай бойынша, елімізде 4,1 млн жылқы бар, бұл былтырғыдан 10,6% көп. Өңірлер бойынша жылқы саны ең көп Түркістан, Қарағанды, Абай облыстары.

Жылқы шығыны биыл 5,2%, 2,7 мың басқа жетті. Жылқылар ең көп арам өліп қалған өңірлер Ақмола, Қостанай және Маңғыстау облыстары.

Биылғы жылдың шілде айында еліміздегі базарлар мен дүкендерде жылқы етінің бір килосы 2,9 мың теңге болды, бұл былтырғыдан бірден 16,5% қымбат.

Баға ең қатты Солтүстік Қазақстан облысында көтерілді: былтырғыдан 28,8% қымбат. Одан кейін Ақтөбе облысы мен Шымкент қаласында да жылқы еті айтарлықтай қымбаттады. Ал ең аз өскен Қызылорда облысында 4,5% қымбаттады.

Еліміздің ірі қалаларының ішінде бір кило жылқы еті елордада ең қымбат (3,3 мың теңге), ең арзаны Қызылордада (2,3 мың теңге) болды.

Фото: dalanews.kz

Жазба қандай әсер қалдырды?

Жазбаға баға беріңіз!

Орташа 5 / 5. Бағалар саны: 1

Әзір ешкім бағаламапты. Алғашқы болып баға беріңіз!

Пікір жазу үшін басыңыз

Leave a Reply

Э-пошта мекенжайыңыз жарияланбайды.

Ең Танымал

Редакциямен байланыс:

E-mail: info@newsroom.kz

Телефондар: +7 (700) 685-71-25, Нұр-Сұлтан қ.

ZERO.kz

Лицензия

ҚР Ақпарат және коммуникациялар министрлігінің 25.05.2017 жылдан №16544 «NewsRoom +» АА Куәлігі берілген.
© 2017-2022
Сайттағы материалдарды пайдаланғанда міндетті түрде сілтеме берулеріңізді сұраймыз. Ақпараттық порталдағы авторлық және басқа да құқықтар толығымен қорғалатынын ескертеміз. Автордың жеке пікірі редакцияның көзқарасы болып саналмайды. Жарнама мен түрлі хабарландыруларға жарнама беруші жауапты.