ҚарағандыҚоғам

Қарағандылық 63 жастағы әже мототехникамен мал бағады

5
(2)

Қарағанды облысында қазіргі техниканың біршамасын тізгіндеген ақ жаулықты кейуана тұрады. Ауылдастары оны «мобильді әже» атап кеткен. 63 жастағы әжей малды мототехникамен қайырып, заман талабына бейімделген. 63 жастағы Гүлнәр әжейдің бұл үшінші мототехникасы. Бұрынғылары сәл ескіріп, техникалық ақаулары көбейген. Ал бұл жолғысының техникалық талаптары әлдеқайда жоғары дейді ол. Нәтижесінде ат тұяғы баспайтын алысқа да оңай барып келе алады.

Гүлнәр Қылышева, Жеңіс ауылының тұрғыны

Үлкен ұлым әкеліп берді, жүргізесің бе деп сұрады. Иә жүргізейін, онда тұрған не бар деп мініп алдым. Алдында басқасы болған. Мынау соңғысы басқаларға қарағанда жылдам жүреді. Өзіме ыңғайлы. Қазір Арқада қыстың ызғары әле де кете қойған жоқ. Қардың шеті сөгіліп, жер қарайғанда әжей атқа қонады. Жасы 70-ке жуықтаған кейуана күнұзақ ат үстінде жүріп, малды бір өзі бағады.

Жақсылық Мақажанов, ұлы:

– Кезінде өз көзіммен көргенім, жерден қойды аттан түспей, көтеріп, өңгеріп әкететін-ді. Әкем асығып жұмысқа кеткен кезде малды бауыздап береді, әрі қарай өзі жіліктеп, сойып алатын.

Гүлнәр Қылышева – күміс алқа иегері. Алты баласынан 19 немере, 1 шөбере сүйіп отыр. Балалары жақында жеңіл көлік әпермекші екен.

Енді мобильді әже темір тұлпарды да тізгіндеп көрмек.

Дереккөз: Хабар 24

Жазба қандай әсер қалдырды?

Жазбаға баға беріңіз!

Орташа 5 / 5. Бағалар саны: 2

Әзір ешкім бағаламапты. Алғашқы болып баға беріңіз!

Пікір жазу

Э-пошта мекенжайыңыз жарияланбайды. Міндетті өрістер * таңбаланған

Back to top button