Мәдениет/Тарих

«Ясауи ізімен» жаңа жобасы басталды

3.7
(3)

«Әзірет Сұлтан» мемлекеттік тарихи-мәдени қорық-музейінің ұйымдастыруымен «Ясауи ізімен» жобасы бастау алды. Бұл туралы Newsroom+Ақпарат агенттігі хабарлайды.

Жобаның мақсаты – түркі әлемінің тұлғасы Қожа Ахмет Ясауи тарихын дәріптеу, балалық шағынан бастап шәкірттеріне дейінгі толыққанды мәліметтерді топтастыру, тың деректер іздеу, насихаттау болып табылады.

Осы орайда Қожа Ахмет Ясауидің бабасы Махмұт шайық, әкесі Ибрахим, анасы Қарашаш, ең алғашқы ұстазы Ақ Ата жерленген кесенелеріне тағзым етіп, тарихымен танысу жұмыстары жүргізілуде. Сонымен қатар, Махмұт шайықтың әулеті, яғни Ибрахим ата мен Қарашаш ананың отбасы қоныстанған, Ахмет Ясауидің кіндік қаны тамып, балалық шағы өткен қарашаңырақ орнында да түсірілім жұмыстары жүргізілді. Сапар барысында Сайрам тарихы музейі және тарихшылар мен көнекөз қариялардан да тың деректер жинастыру жұмыстары жүруде.

«Ясауи ізімен» жобасының авторы – «Әзірет Сұлтан» мемлекеттік тарихи-мәдени қорық-музейінің директоры Нұрболат Ахметжанов.

Алдағы уақытта, Ясауидің ұстаздары мен Қазақстандағы және шетелге таралған ізбасарлары жайлы зерттеу жұмыстары мен түсірілімдер жалғасын табады.

Жазба қандай әсер қалдырды?

Жазбаға баға беріңіз!

Орташа 3.7 / 5. Бағалар саны: 3

Әзір ешкім бағаламапты. Алғашқы болып баға беріңіз!

Бөлісу:

Тағы да

Пікір жазу

Э-пошта мекенжайыңыз жарияланбайды. Міндетті өрістер * таңбаланған

Scroll Up
Close