Қылмыс пен оқиға

Елорда маңындағы Талапкер ауылындағы жалдамалы үйден 24 жастағы Қырғызстан тумасы ұсталды

Сұмдық! Талапкер ауылындағы үйлердің бірінде 24 жастағы Қырғызстан тумасы ұсталды

Елордалық полицейлер астыртын есірткі зертханасының заңсыз қызметінің жолын кесу бойынша арнайы операция жүргізді, – деп хабарлайды Newsroom.kz порталы aikyn.kz сайтына сілтеме жасап

Жедел-іздестіру іс-шараларының нәтижесінде, Ақмола облысы Целиноград ауданы Талапкер ауылындағы үйлердің бірінде 24 жастағы Қырғызстан тумасы ұсталды, ол өзі жалдаған үйде синтетикалық есірткі өндірісін жолға қойған.

ІІМ бейінді департаменті түсіндіргендей, ұсталған адам қараша айында “жасырып кетуші” болып орналасқан, бір айдан кейін үйді жалға алып, “қайнатушы” қызметіне ауысқан. Содан кейін  Telegram мессенджері арқылы ірі партиялардың көтерме саудасымен  айналысқан.

Үйді тінту кезінде барлығы 6 кг-нан артық тұтынуға дайын “α-PVP” («скорость») синтетикалық есірткісі және 10 литр сұйық түрінде, сондай-ақ, әртүрлі зертханалық заттар (гигрометрлер, желдеткіштер, өлшеуіш стақандар, пластмасса елеуіштер, 100 дана “zip-lock” полиэтилен пакеттері, электрондық таразылар, респираторлар, скотч орамы, бір рет қолданылатын қолғаптар және бос пластикалық контейнерлер) табылып, тәркіленді.

Тергеу әрекеттерін жүргізу барысында күдікті “закладка” жасап үлгергені анықталды. Аталған деректі полиция құжаттап, нәтижесінде ішкі істер органдарының қызметкерлері тағы 1 кг “α-PVP” синтетикалық есірткісін тәркіледі.

ҚР ҚК-нің 297-бабы 3-бөлігі “Есірткі құралдарын, психотроптық заттарды, олардың аналогтарын өткізу мақсатында заңсыз дайындау, өңдеу, сатып алу, сақтау, тасымалдау” бойынша сотқа дейінгі тергеу басталды.

Ұсталған азамат УҰИ-ға қамалды. Ол 15 жылға дейін бас бостандығынан айырылуы мүмкін. Қазіргі уақытта есірткілердің түсу арнасын және олардың заңсыз айналымына қатысы бар адамдарды анықтау бойынша іс-шаралар жүргізілуде.

Бұл жыл басынан бері ішкі істер органдарының есірткі қылмысына қарсы іс-қимыл бөліністері жойған бесінші есірткі зертханасы.

Рая МІНӘП

aikyn.kz

Жазба қандай әсер қалдырды?

Жазбаға баға беріңіз!

Орташа 0 / 5. Бағалар саны: 0

Әзір ешкім бағаламапты. Алғашқы болып баға беріңіз!

Пікір жазу үшін басыңыз

Leave a Reply

Э-пошта мекенжайыңыз жарияланбайды. Міндетті өрістер * таңбаланған

Ең Танымал

Редакциямен байланыс:

E-mail: info@newsroom.kz

Телефондар: +7 (775) 186-21-13, Нұр-Сұлтан қ.

ZERO.kz

Лицензия

ҚР Ақпарат және коммуникациялар министрлігінің 25.05.2017 жылдан №16544 «NewsRoom +» АА Куәлігі берілген.
© 2017-2023
Сайттағы материалдарды пайдаланғанда міндетті түрде сілтеме берулеріңізді сұраймыз. Ақпараттық порталдағы авторлық және басқа да құқықтар толығымен қорғалатынын ескертеміз. Автордың жеке пікірі редакцияның көзқарасы болып саналмайды. Жарнама мен түрлі хабарландыруларға жарнама беруші жауапты.