Қылмыс пен оқиға

Алаяқ астананың 2 тұрғының 45 млн тенгеге алдап кетті (алаяқтар жүйесін біле жүріңіздер)

Астананың 2 тұрғыны алаяқ әйелге 45 миллион теңге ұстата салған. Әйел олардың әрқайсысына екі пәтерден алуға кепілдік берген, деп newsroom.kz жазады halyq-uni.kz дереккөздеріне сүйене отырып.

Алаяқ әйел астаналықтарды мемлекеттік баспана алып беремін деп алдап кеткен. Жәбірленушілер оған 45 миллион теңге беріп қойыпты. Бұл туралы қалалық ПД баспасөз қызметі хабарлады.

Алматы қаласында жүргізілген жедел-іздестіру іс-шаралары барысында алаяқтық жасады деген күдікпен 33 жастағы әйел ұсталды. Ол Астана қаласының екі тұрғынынан 45 миллион теңгені алаяқтық жолмен иемденіп алған.

Мемлекеттік органның бұрынғы қызметкері болғандықтан және көптеген байланыстарына сілтеме жасай отырып, ол елорда тұрғындарына ақылы түрде мемлекеттік бағдарлама бойынша пәтер алуға көмектесуге уәде берген. Күдікті жәбірленушілерден жалпы 45 миллион теңге болатын сыйақыны бөліп алған. Сонымен бірге, әйел олардың әрқайсысына екі пәтерден алуға кепілдік берген, – делінген хабарламада.

Алаяқтық жасағанын мойындаған күдікті қазір ПД уақытша ұстау изоляторында. Оған қатысты Қылмыстық Кодекстің 190-бабы 4-бөлігі («Аса ірі мөлшерде жасалған алаяқтық») бойынша тергеу амалдары жүргізіліп жатыр. Сондай-ақ оның елорда аумағында жасалған тағы осындай қылмыстарға қатысы бары анықталды.

Еске сала кетсек, бұл қылмыс үшін мүлкі тәркіленіп, 5 жылдан 10 жылға дейінгі мерзімге бас бостандығынан айыру жазасы қарастырылған.

Фото: halyq-uni.kz

Жазба қандай әсер қалдырды?

Жазбаға баға беріңіз!

Орташа 0 / 5. Бағалар саны: 0

Әзір ешкім бағаламапты. Алғашқы болып баға беріңіз!

Пікір жазу үшін басыңыз

Leave a Reply

Э-пошта мекенжайыңыз жарияланбайды. Міндетті өрістер * таңбаланған

Ең Танымал

Редакциямен байланыс:

E-mail: info@newsroom.kz

Телефондар: +7 (775) 186-21-13, Нұр-Сұлтан қ.

ZERO.kz

Лицензия

ҚР Ақпарат және коммуникациялар министрлігінің 25.05.2017 жылдан №16544 «NewsRoom +» АА Куәлігі берілген.
© 2017-2022
Сайттағы материалдарды пайдаланғанда міндетті түрде сілтеме берулеріңізді сұраймыз. Ақпараттық порталдағы авторлық және басқа да құқықтар толығымен қорғалатынын ескертеміз. Автордың жеке пікірі редакцияның көзқарасы болып саналмайды. Жарнама мен түрлі хабарландыруларға жарнама беруші жауапты.