Кадрлар кабинеті

«Егемен Қазақстан» РГ» ЖШС жаңа басшысы тағайындалды

Egemen.kz дереккөздеріне сүйене отырып, «Егемен Қазақстан» РГ» ЖШС Бас директоры лауазымына Дихан Қамзабекұлы тағайындалды, деп newsroom.kz хабарлайды.

Бас басылымның жаңа басшысын ұжымға Ақпарат және қоғамдық даму министрі Дархан Қыдырәлі таныстырып, Дихан Қамзабекұлына жүктелген лауазымның жауапты қызмет екенін айта отырып, сәттілік тіледі.

Дихан Қамзабекұлы 1966 жылы 19 маусымда Оңтүстік Қазақстан облысы Түлкібас ауданында дүниеге келген. Абай атындағы Қазақ мемлекеттік педагогика институтын қазіргі Абай атындағы Қазақ ұлттық педагогика университетін  тәмамдаған.

Филология ғылымдарының докторы, профессор, мемлекеттік «Дарын» Жастар сыйлығының, Қазақстан Республикасы Журналистер одағының Сұлтанбек Қожанұлы атындағы сыйлығының, Қазақстан Республикасы Президенті стипендиясының иегері, ҚР ҰҒА корреспондент-мүшесі.

1990-1996 жылдары Қазақстан Республикасы Ұлттық Ғылым академиясы Мұхтар Әуезов атындағы Әдебиет және өнер институтының ғылыми қызметкері болып еңбек жолын бастады.

1996-2000 жылдары Л.Н.Гумилев атындағы Еуразия университеті Қазақ әдебиеті кафедрасының меңгерушісі, 2000-2001 жылдары Л.Н.Гумилев атындағы Еуразия университетінің аға ғылыми қызметкері, 2001-2004 жылдары Қазақ ұлттық Музыка академиясы Тіл және әдебиет кафедрасының меңгерушісі, 2004-2005 жылдары Л.Н.Гумилев атындағы Еуразия ұлттық университеті Гуманитарлық институтының директоры қызметтерін атқарған. 2005 жылдан бастап Л.Н.Гумилев атындағы ұлттық Еуразия университетінің оқу-әдістемелік жұмыс жөніндегі проректоры, университет жанындағы «Алаш» мәдениет және рухани даму институтының директоры болып қызмет еткен.

Еске сала кетсек, республикалық газеттің бұрынғы басшысы Дархан Қыдырәлі Ақпарат және қоғамдық даму министрі қызметіне тағайындалған еді.

Фото: egemen.kz

Жазба қандай әсер қалдырды?

Жазбаға баға беріңіз!

Орташа 4 / 5. Бағалар саны: 5

Әзір ешкім бағаламапты. Алғашқы болып баға беріңіз!

Пікір жазу үшін басыңыз

Leave a Reply

Э-пошта мекенжайыңыз жарияланбайды.

Ең Танымал

Редакциямен байланыс:

E-mail: info@newsroom.kz

Телефондар: +7 (700) 685-71-25, Нұр-Сұлтан қ.

ZERO.kz

Лицензия

ҚР Ақпарат және коммуникациялар министрлігінің 25.05.2017 жылдан №16544 «NewsRoom +» АА Куәлігі берілген.
© 2017-2022
Сайттағы материалдарды пайдаланғанда міндетті түрде сілтеме берулеріңізді сұраймыз. Ақпараттық порталдағы авторлық және басқа да құқықтар толығымен қорғалатынын ескертеміз. Автордың жеке пікірі редакцияның көзқарасы болып саналмайды. Жарнама мен түрлі хабарландыруларға жарнама беруші жауапты.