Кадрлар кабинеті

Еркін Үйсімбаев Жамбыл облысы әкімінің орынбасарлығына тағайындалды

Қазақстан Республикасы Президенті Әкімшілігінің келісімі бойынша Жамбыл облысы әкімінің өкіміне сәйкес Еркін Үйсімбаев Жамбыл облысы әкімінің орынбасары қызметіне тағайындалды, деп хабарлайды newsroom.kz.

Нұржан Нұржігітов жаңа орынбасарын облыс активіне таныстырып, өңірді дамыту жолында бірқатар маңызды міндетті нақтылады.

Еркін Құлымбайұлы 1977 жылы Жамбыл облысы Қордай ауданында туған.

М.Дулати атындағы Тараз мемлекеттік университетін «инженер-механик», Ж.Баласагын атындағы Қырғыз ұлттық университетін «құқықтану», Қазақстан Республикасы Президентінің жанындағы Мемлекеттік басқару академиясын «мемлекеттік және жергілікті басқару» мамандықтары бойынша тәмамдаған.

Еңбек жолын 1999 жылы «Сұлтан тегі импекс» ЖШС-інде механизатор болып бастаған.

Әр жылдары Қордай ауданы әкімі аппаратының бас маманы, Жамбыл облысы әкімдігінің ішкі саясат басқармасының бас маманы, бөлім басшысы, Жамбыл облысы әкімі аппаратының әлеуметтік-саяси бөлімінің меңгерушісі, Қордай ауданы әкімінің орынбасары болып еңбек еткен.

Сондай-ақ 2012-2013 жылдары Жамбыл облысы әкімдігінің жастар саясаты мәселелері басқармасының басшысы, 2013-2016 жылдары Қазақстан Республикасы Білім және ғылым министрлігінде департамент директорының орынбасары, Жастар ісі комитеті төрағасының орынбасары, 2016-2018 жылдары Қазақстан Республикасы Дін істері және азаматтық қоғам министрлігінің Жастар саясаты департаменті директорының орынбасары, 2018-2019 жылдары Қазақстан Республикасы Қоғамдық даму министрлігінің Қоғамдық жаңғырту департаменті жаңғырту бағдарламаларын үйлестіру басқармасының басшысы, 2019-2020 жылдары Қазақстан Республикасы Ақпарат және қоғамдық даму министрлігінің Этносаралық қатынастарды дамыту департаменті директорының орынбасары қызметтерін атқарған.

2020 жылғы мамырдан бастап бүгінгі күнге дейін Қазақстан Республикасы Ақпарат және қоғамдық даму министрлігінің Этносаралық қатынастарды дамыту комитеті төрағасының орынбасары лауазымында еңбек етіп келді.

Жаңа орынбасар облыстың мәдениет, тілдерді дамыту, ішкі саясат, білім, спорт, жастар, дін салалары бойынша жетекшілік етеді.

 

Жазба қандай әсер қалдырды?

Жазбаға баға беріңіз!

Орташа 5 / 5. Бағалар саны: 1

Әзір ешкім бағаламапты. Алғашқы болып баға беріңіз!

Пікір жазу үшін басыңыз

Leave a Reply

Э-пошта мекенжайыңыз жарияланбайды. Міндетті өрістер * таңбаланған

Ең Танымал

Редакциямен байланыс:

E-mail: info@newsroom.kz

Телефондар: +7 (775) 186-21-13, Нұр-Сұлтан қ.

ZERO.kz

Лицензия

ҚР Ақпарат және коммуникациялар министрлігінің 25.05.2017 жылдан №16544 «NewsRoom +» АА Куәлігі берілген.
© 2017-2022
Сайттағы материалдарды пайдаланғанда міндетті түрде сілтеме берулеріңізді сұраймыз. Ақпараттық порталдағы авторлық және басқа да құқықтар толығымен қорғалатынын ескертеміз. Автордың жеке пікірі редакцияның көзқарасы болып саналмайды. Жарнама мен түрлі хабарландыруларға жарнама беруші жауапты.