Тоқаев БРИКС саммитінде бірқатар ел басшыларымен кездесті
Қасым-Жомарт Тоқаев Нью-Делидегі БРИКС саммиті аясында бірқатар мемлекеттер мен халықаралық ұйымдардың жетекшілерімен қысқаша келіссөздер өткізді. Кездесулерде екіжақты ынтымақтастық пен халықаралық алаңдардағы өзара іс-қимыл мәселелері талқыланды.
Қасым-Жомарт Тоқаев БРИКС саммиті аясында бірқатар елдер мен халықаралық ұйымдардың делегация басшыларымен кездесті, деп хабарлайды Ақорда.
Нью-Делиде өтіп жатқан саммит шеңберінде мемлекет басшысы Ресей президенті Владимир Путинмен, Малайзия премьер-министрі Анвар Ибрагиммен, Вьетнам премьер-министрі Ле Минь Хыңгпен, Бурунди президенті Эварист Ндайишимийемен кездесті.
Сонымен бірге Қасым-Жомарт Тоқаев БҰҰ Бас хатшысы Антониу Гутерришпен, Дүниежүзілік денсаулық сақтау ұйымының бас директоры Тедрос Гебрейесуспен, Дүниежүзілік сауда ұйымының бас директоры Нгози Оконджо-Ивеаламен және Таиланд премьер-министрінің орынбасары Сихасак Пуангкеткеомен тілдесті.
Кездесулер барысында екіжақты ынтымақтастықты әртүрлі салада дамыту перспективалары және халықаралық форматтардағы өзара іс-қимыл мәселелері сөз болды.