Қазақстан Президенті Қасым-Жомарт Тоқаев Нью-Делиде өткен БРИКС саммиті аясында Абу-Даби мұрагер ханзадасы шейх Халед бен Мұхаммед бен Заид Әл Нахаянмен кездесті.
Мемлекет басшысы шейх Халедтің Астанаға жасаған сапарының тарихи маңызын атап өтіп, сол кезде екі ел арасындағы байланыстарды жаңа деңгейге көтерген ауқымды құжаттар пакеті қол қойылғанын айтты.
«Біздің ынтымақтастығымыз шын мәнінде көпқырлы сипатқа ие және көптеген бағытты қамтиды. Біз бұдан әрі де бірлескен жұмысты жалғастыруға және оны дамытуға бар күш-жігерімізді саламыз», – деді Қасым-Жомарт Тоқаев.
Кездесуде энергетика, көлік және логистика, ақпараттық технологиялар мен ауыл шаруашылығы салаларында жүзеге асырылып жатқан ірі инвестициялық жобалардың барысы қаралды. Бұл жобалар экономикалық байланыстарды нығайтып, екіжақты сауда көлемін арттыруға ықпал ететіні айтылды.
Тараптар кездесудің қорытындысында екі ел арасындағы тығыз ынтымақтастықты одан әрі күшейтуге бейілді екенін растады.
Тоқаев Біріккен Араб Әмірліктерінің Президенті шейх Мұхаммед бен Заид Әл Нахаянға ізгі тілегін жеткізіп, оның Қазақстанға сапарын асыға күтетінін айтты.
