Киев облысында түнде жасалған дрон соққысы салдарынан кемінде 27 адам қаза тапты. Бұл туралы өңір губернаторы хабарлады.
Тимур Ткаченконың айтуынша, Буча ауданындағы шабуылда 42 адам, соның ішінде төрт бала жараланған. Тағы 381 адам қауіпсіз жерге көшірілді.
Құтқару және іздестіру жұмыстары сенбі күні таңертең де жалғасып жатты. Төтенше қызмет өкілдері зақым келген ғимараттарды тексеріп шықты.
Ткаченко кейін Борисполь ауданында жасалған бөлек шабуылда 14 жастағы қыздың қаза тапқанын да айтты. «Бұл — Ресей терроризмінің тағы бір құрбаны», — деді ол.
Украина президенті Владимир Зеленский қаза тапқандардың отбасына көңіл айтып, соққы аймағына 300-ден астам төтенше жағдай қызметкері жіберілгенін мәлімдеді. Ол сондай-ақ Одесса, Днепропетровск, Сумы және Запорожье облыстарында да түнгі соққылар болғанын хабарлады.
Украина армиясының мәліметінше, сенбіге қараған түні Ресейдің 233 ұшқышсыз ұшағы атып түсірілген. Соңғы айларда Ресей мен Украина бір-біріне жасайтын шабуылдарын күшейтті.
