Сайлау қызды: Амилай “Байтақ” партиясына дауыс бермек
Әлеуметтік желіде танымал Амилай алдағы сайлауда «Байтақ» партиясына дауыс беретінін мәлімдеді. Оның Threads-тегі жазбасы көпшіліктің назарын аударып, қызу талқылауға себеп болды.
Амилай Threads әлеуметтік желісінде жариялаған видеосында алдағы сайлауда «Байтақ» партиясын қолдайтынын жеткізді.
Жазба желі қолданушылары арасында кеңінен талқыланып жатыр. Пікір білдірушілердің бір бөлігі оның азаматтық ұстанымын қолдаса, енді бірі бұл мәлімдемені сайлау науқаны кезіндегі ең қызу талқыланған тақырыптардың біріне айналдырды.
Қазақстан заңнамасына сәйкес, әрбір азаматтың өз саяси таңдауын жасауға және оны ашық жариялауға құқығы бар.
Қазіргі уақытта Амилайдың мәлімдемесіне қатысты «Байтақ» партиясы ресми пікір білдірген жоқ. Ал әлеуметтік желілердегі талқылау жалғасуда.