Шаңғышы қар барысымен селфи жасаймын деп шабуылға ұшырады (+ФОТО)
Қытайда шаңғы теуіп жүрген турист әйел қар барысының шабуылына тап болды. Ол жыртқышқа тым жақын барып, онымен селфи жасаған.
Әйел ауыр жарақат алды. Оқиға орнында түсірілген видеода оның жерге басылып қалғаны, кейін құтқарылғаны көрінеді. Құтқарылған сәтте әйелдің беті қанға боялған.
Билік өкілдері жануар анықталғаннан кейін қауіп туралы ескерту жасағанына қарамастан, шаңғышы қар барысына 3 метрден де жақын барған. Жыртқышты нұсқаушы үркітіп, шаңғы таяқшаларымен қуып жіберген.
Зардап шеккен әйел ауруханаға жеткізілді. Дәрігерлер оның жағдайын тұрақты деп бағалап отыр. Ауыр салдардың алдын алуға арнайы тау шаңғысы жабдықтары мен дулыға көмектескен.