Қызылордада шетел азаматтары мінген автобус жүк көлігімен соқтығысты
Қызылорда облысында жолаушылар автобусы жүк көлігімен жол-көлік оқиғасына түсті. Апат Қармақшы ауданындағы Ақжар ауылынан 10 шақырым жерде болған.
Төтенше жағдай салдарынан зардап шеккендер жоқ. Алайда Қырғызстаннан Ресейге бағыт алған автобус техникалық ақауға байланысты жолын жалғастыра алмаған.
Құтқарушылар автобустан 47 Қырғызстан азаматын, оның ішінде бір баланы анықтады. Барлық жолаушы жақын маңдағы жылыту пунктіне эвакуацияланды.