Бұл жоба екі ел арасындағы жүк тасымалы мен сауда айналымын айтарлықтай жеңілдетуге бағытталған.
Жаңа жол стратегиялық маңызы бар бағыттардың бірі — Шығыс Қазақстан мен Қытай шекарасын байланыстыратын негізгі дәліздің бөлігі болып табылады. Инфрақұрылымдық нысан заманауи талаптарға сай салынған: қозғалыс қауіпсіздігін арттыратын интеллектуалды жүйелер, бейнебақылау және экологиялық стандарттар ескерілген.
Көлік министрлігінің мәліметінше, жаңа автожол іске қосылғаннан кейін жүк тасымалының жылдамдығы 30%-ға дейін артады, ал шекарадағы кеден бекеттеріндегі жүктеме айтарлықтай азаяды.
“Бұл жол тек логистикалық тиімділікті арттырумен шектелмейді. Ол сонымен қатар өңірлердің әлеуметтік-экономикалық дамуына серпін береді, жаңа жұмыс орындарын ашуға және туризмді дамытуға мүмкіндік туғызады”, – деді ҚР Көлік министрі.
Сарапшылардың пікірінше, Қытаймен шекаралас аймақтарда сауда мен өнеркәсіптік кооперация көлемі де ұлғаяды. Жаңа дәліздің іске қосылуы – “Бір белдеу, бір жол” бастамасы аясындағы өзара тиімді ынтымақтастықтың нақты көрінісі.
