– Әрбір адам өзінің өмірі мен айналасындағылардың қауіпсіздігіне жауапты екенін түсінуі тиіс. Қоғам болып жүру мәдениетін қалыптастыруымыз қажет. Әсіресе электрсамокаттарға назар аудару керек. Бұл тақырып қоғамда қызу талқыланып келеді. Екі жыл бұрын заңға өзгерістер енгізіліп, жаяу жүргіншілер аймағында қозғалысқа шектеулер қойылды. Алайда қоғамдық орындардағы жағдай айтарлықтай өзгерген жоқ – азаматтар әлі де қауіпке ұшырап жүр, – деді Мемлекет басшысы.
Президенттің айтуынша, бүгінде осы саланы реттейтін заңнамалық түзетулер дайындалған, оларды жедел қабылдау қажет.
– Әрбір азаматтың, әрбір баланың өмірі – баға жетпес. Бұл жерде ұсақ-түйек болмайды. Ақыр соңында, мұның бәрі – Қауіпсіз Қазақстанды құру жолындағы маңызды қадамдар, – деді Тоқаев.
