Өңірде мемлекеттік тұрғын үй қорынан баспана алу бойынша жетім балалардың құқықтары бұзылған. Прокурорлар тексеріс жүргізіп, жетім балаларға арналған пәтерде мемлекеттік мекеме басшысы екі жыл бойы тұрып келгенін анықтаған.
Облыстық прокуратураның баспасөз қызметі хабарлағандай, 33 бала заңсыз түрде кезектен шығарылған, ал тағы 8 бала уақтылы кезекке қойылмаған. Тіпті бір жетім балаға пәтер беруден мүлде бас тартылған.
«Аудан орталықтарының бірінде жетім балаға арналған пәтерде екі жыл бойы мемлекеттік мекеме басшысы тұрған. Қадағалау актісінің нәтижесінде пәтер қайтарылып, заңды иесіне – балаға берілді», – деп мәлімдеді прокуратура.
Қазір мамандар қалған балалардың бұзылған құқықтарын қалпына келтіру бойынша шаралар қабылдап жатыр.
