Әлия Бутеева әлеуметтік желіде видео мен фото жариялап, актердің оны жалаңаяқ қуып жетіп, қолынан ұстап, лифтіден күштеп шығарғанын көрсетті. Сондай-ақ, кадрларда оның бетінде қызару белгілері байқалады.
Өз жазбасында бойжеткен оқиғаны эмоциямен баяндап, бұл жағдайды үнсіз қалдырмайтынын айтты.
"Физикалық тұрғыда әлсіз болсам да, рухани әлсіз емеспін. Маған мүлдем жат әрекетке көз жұма қарау мүмкін емес. Мен өзімді және абыройымды қорғауға мәжбүрмін", – деп жазды ол.
- Фото: instagram/AliyaBooteyeva
Сондай-ақ, ол осындай жағдайға тап болған әйелдерді мұндай қарым-қатынастың қалыпты емес екенін түсінуге шақырды.
Бұл жазба әлеуметтік желілерде үлкен резонанс тудырды. Көпшілік қызды қолдап, зорлық-зомбылыққа қарсы пікір білдірді:
"Мұндай нәрсені үндемей қалдыруға болмайды!","Бұл актерге таңым бар! Сен үшін уайымдап тұрмын","Әйелге қол көтерген адам еркек емес","Бұл сұмдық жағдай. Сен өте батылсың!" – деп жазды желі қолданушылары.
Қазір бұл жайтқа қатысты Алматы полиция департаменті тексеріс жүргізіп жатыр.
"Аталған дерек бойынша қажетті тергеу амалдары жүргізілуде. Оқиғаның нақты уақыты мен орны анықталып, заң аясында шаралар қабылданады", – деп хабарлады ведомство өкілдері.
