Газаға азық-түлік жүктелген 100-ге жуық жүк көлігі тоналды
БҰҰ-ның палестиналық босқындар жөніндегі агенттігі мәлімдемесінше, сенбі күні Газада азық-түлік тасымалдаған БҰҰ-ның 109 жүк көлігінен тұратын кортеж тоналған және 97 жүк көлік жоғалып кеткен,- деп хабарлайды newsroom.kz порталы BBC арнасына сілтеме жасап.
Біріккен Ұлттар Ұйымы осы айдың басында «Газа секторының солтүстігіндегі аудандарда ашаршылықтың жақындау ықтималдығы күшті» деп ескертті.
Айта кетелік, Палестина билігі Израильдің соққыларынан Газа бойынша 30-дан астам адамның қаза тапқанын мәлімдеді. Газаның оңтүстігінде Израиль белгілеген әл-Маваси гуманитарлық аймағындағы шатырға жасалған соққыдан тағы төрт адам, оның ішінде екі бала қаза тапты.