Қытайда жас жігіт колледжде 17 адамды пышақтап өлтірген

Қытайдың шығысындағы Исин қаласындағы колледжде жас жігіт пышақпен шабуыл жасап, салдарынан 17 адам қайтыс болды, тағы 17-сі жарақат алған,- деп хабарлайды newsroom.kz 

CNN мәліметінше, қайғылы оқиға сенбі күні кешке Өнер және технологиялар жоғары кәсіби институтында болған.

Күдікті оқиға орнында ұсталды, - делінген полиция мәліметінде.

Белгілі болғандай, жас жігіт жақында ғана өзі осы оқу орнын тәмамдаған. Ал мұндай қадамға емтихан кезінде төмен баға алғаны үшін барғаны айтылған.

Қазіргі уақытта тергеу жүріп жатыр.