Батыс Қазақстан облысы Мұғалжар аудандық соты парақорлық ісі бойынша үкім шығарды, - деп Ratel.kz сілтеме жасап newsroom.kz хабарлайды. Сот құжаттарына сәйкес, 2023 жылдың қазан айының басында Ембі қаласының тұрғыны, техникалық білімі бар, жұмыссыз Серік Тішбаев "ҚТЖ-Жүк тасымалы" ЖШС-інің Жем локомотив депосына машинист болып жұмысқа орналасу үшін пара беруге мәжбүр болған. Тішбаев бұл қызметке кіру үшін 1,5 миллион теңге көлемінде пара беріп, бұл соманы қамтамасыз ету үшін жұбайы банктен несие алған.
Істің мән-жайы бойынша, Тішбаев жұмысқа орналасу үшін "ҚТЖ-Жүк тасымалы" ЖШС-інде машинист көмекшісі болып жұмыс істейтін досы Бауыржан Маханбетовке жүгінген. Маханбетов пара көлемін анықтап, бұл соманы кадр бөлімінің менеджері Даир Сарқұлов арқылы Жем локомотив депосының бастығы Дәулетқали Жалмұхамбетовке беру қажеттігін айтқан.
Сотта айыпталушылар өз кінәларын толық мойындады. Жалмұхамбетов параны "депо ғимаратының жөндеу жұмыстарына қаражат бөлінбегендіктен алғанын" мәлімдегенімен, сот оны пара алғаны үшін үш жылға бас бостандығынан айырды. Сонымен қатар, кадр бөлімінің менеджері Сарқұлов пара алуға делдалдық жасағаны үшін бір жарым жылға бас бостандығынан айырылды. Ал пара бергені үшін Маханбетов пен Тішбаев әрқайсысы үш жылдан бас бостандығынан айырылды.