"ҚазАвтоЖол" АҚ берген ақпаратқа сәйкес, қазіргі уақытта келесі республикалық автожолдарда көлік қозғалысы қалпына келтірілді:
1. Қарағанды облысы
«Екатеринбург - Алматы» тасжолының 1353-1426 шақырымы: Ақмола облысының шекарасы мен Теміртау арасындағы учаске.
«Қызылорда - Павлодар» тасжолының 967-1135 шақырымы: Қарағанды қаласынан Павлодар облысының шекарасына дейінгі аралық.
«Қарағанды - Аягөз - Боғаз» тасжолының 17-217 шақырымы: Қарағанды мен Қарқаралы қалаларының арасы.
2. Ақмола облысы
«Екатеринбург - Алматы» тасжолының 1292-1353 шақырымы: Жібек жолы бекеті мен Қарағанды облысының шекарасына дейінгі аралық.
3. Павлодар облысы
«Қызылорда - Павлодар» тасжолының 1135-1206 шақырымы: Қарағанды облысының шекарасы мен Шидері ауылының арасы.
Сапарлар кезінде сақтық шараларын қадағалап, жол қозғалысы туралы жаңалықтарды назарда ұстауыңызды сұраймыз.