Алматыда спа-салонда жұмыс істейтін қызға белгісіз ер адам шабуыл жасаған. Ол салонға кіріп, сыра сатуын сұраған, деп хабарлайды newsroom.kz
Қызметкер алкогольдік ішімдіктер сатылмайтынын айтқан. Ашуланған ер адам қызға алдындағы заттарды лақтырып, жанына барып шашынан ұстап, ұра бастаған. Ер адамның шетелдік азамат болуы мүмкін екені айтылады.
Алматы қалалық Полиция департаменті күдіктінің ұсталғанын хабарлады.
«Ұрып-соғу фактісі бойынша әкімшілік іс қозғалды. Құқық бұзушы қамауға алынды. Іс бойынша сот-медициналық сараптама тағайындалды», – делінген хабарламада.
