Алматы тауларында қар көшкіні қаупіне байланысты блок бекеттер қойылғанын айтты облыстық ТЖД,-деп хабарлайды Newsroom.kz
Синоптиктер 21-23 наурыз аралығында қар көшкіні қаупі туралы дауылдық ескерту жариялады. Жылымықтың әсерінен, қатты жауын-шашын түсуіне, сондай қар жамылғысының құбылмалы жағдайына байланысты қар көшкіні болуы мүмкін. "Қазселденқорғау" мамандары наурыз айында қар көшкінінің ең қауіпті түрі мұзды сел болуы мүмкін деп ескертті. "Алматы тауларында көшкін қаупінің жоғары дәрежесі сақталуда. Адамдардың қауіпсіздігін сақтау мақсатында: Шымбулақ ТШК , "Аюсай" бөгетінен жоғары "Визит центр" (үлкен Алматы аумағы), кіші Алматы өзеніндегі "Эдельвейс" бассейніне блок бекеттер қойылды. Осыған байланысты тұрғындардан 21-23 наурызда тауға шықпауды сұраймыз", - делінген хабарда.
