Көкшетауда жүктіліктің соңғы мерзімінде болған әйелді дәрігерлер құтқарып қала алмады,- деп хабарлайды newsroom.kz cайты Ақмола облысының денсаулық сақтау басқармасына сілтеме жасап хабарлайды.
Басқарманың хабарлауынша, әйелдің іші ауырып, дене қызуы болған. Оны бірнеше рет жедел жәрдем көлігі алып кеткен. Әйел Viamedis ЖШС емханасында тіркеуде тұрған. Әйедің артында екі баласы қалыпты.
Сондай-ақ, Ақмола облысының Денсаулық сақтау басқармасы қызметтік тексеріс жүргізіп, сот-медициналық сараптамасынан кейін ғана нақты ақпарат болатынын растады.
"Көкшетау қаласында ана мен бала өлімі 23 желтоқсанда кешкі сағат 5-те болды. Алдын ала диагнозы ТЭЛА, ауыр деңгейдегі ЖРВИ болған. Толық ақпарат қызметтік тексеріс және сот медициналық сараптамасынан кейін белгілі болады. Ертең облыстық басқармада Viamedis ЖШС, перзентхана, қалалық ауруханалар тиісті құзырлы ведомстволардың қатысуымен жиын болмақ. Бұл іске құқық қорғау органдары да араласады. Сондықтан әзірге басқа пікір бере алмаймыз", – деп түсіндірді Ақмола облысы Денсаулық сақтау басқармасының баспасөз қызметі.