Президентіміз қазақстандықтарды Республика күнімен құттықтады
Ақорданың баспасөз қызметі Президент Қасым-Жомарт Тоқаевтың Республика күнімен құттықтауын жариялады, - деп хабарлайды newsroom.kz порталы сілтеме жасаған Tengrinews.kz.
"Құрметті отандастар!
Сіздерді Ұлттық мереке – Республика күнімен құттықтаймын!
Мемлекеттік егемендік туралы Декларация елдің үдемелі прогресінің берік іргетасын қалап, Қазақстанның тарихи таңдауын белгіледі. Шынында да тағдырлы құжат біздің территориямыздың бөлінбейтіндігі мен қол сұғылмаушылығын, жалпыұлттық бірегейлікті күшейтуге, азаматтардың құқықтары мен бостандықтарына кепілдік беруге міндеттемесін бекітті. Бұл іргелі қағидаттар бүгінде Қазақстанның Конституциясында, заңдарында және стратегиялық бағытында көрініс тапқан.
Республика күні-халқымыздың тәуелсіздік туралы сан ғасырлық арманының керемет символы. Бұл мереке біздің халқымыздың бірлігі мен ынтымақтастығының арқасында барлық уақытта кез келген сын-қатерлер мен сынақтарды еңсергенін еске салады. Ата-бабаларымыздың өсиеттерін орындай отырып, біз жалпыұлттық бірлікті сақтаймыз және нығайтамыз, егемендігімізді қасиетті түрде құрметтейміз және қорғаймыз.
Мерекенің тарихы 1990 жылы Қазақ КСР Жоғарғы Кеңесі мемлекеттік егемендік туралы Декларацияны қабылдаған кезде басталады. Декларация Құжат ретінде 1991 жылғы 16 желтоқсанда қабылданған "Қазақстан Республикасының мемлекеттік тәуелсіздігі туралы" Конституциялық заңның негізін қалады.