Енді отандық фуа-гра жейміз! Француздар зауыт ашпақ

Француз инвесторы Қазақстанда фуа-гра өндірісін іске қосуды жоспарлап отыр. Сыртқы істер министрлігінде жобаның іске асырылуы қандай кезеңде тұрғанын айтты, деп хабарлайды Newsroom.kz, LS редакциясына сілтеме жасап.

Қазіргі уақытта қазақстандық және француздық компаниялар жобаны пысықтап жатқаны хабарланады. Министрлік шетелдік серіктес фуа-гра өндірісі ашылғаннан кейін дайын өнімді Еуропа елдері мен Қытайға экспорттауға ниетті екенін атап өтті.

"Бүгінгі таңда тараптар арасында құпиялылық туралы шартқа қол қойылды, қаржылық құрылымдау мәселелері пысықталуда. Коммерциялық құпияны құрайтын толығырақ ақпарат тек компанияның келісімімен жария етілуі мүмкін",- деп қорытындыланды СІМ.

Бұған дейін Франциядан келген басқа инвестор, электровоздар мен теміржол жабдықтарын өндіруге, қызмет көрсетуге 50 миллион еуро салғысы келетіні туралы хабарланған болатын. Атап айтқанда, сервистік орталықтар Астана, Алматы, Жамбыл және Түркістан облыстарында ашылуы мүмкін.

Тағы бір компания оңтүстік-шығыс Қазақстанда 1 ГВт жел электр станциясын салуға ниетті. Оның алдын - ала құны 1 1,9 млрд. құрайды. Пайдалануға берілу мерзімі 2026-2027 жылдар.