Нұрлан имам жаңа қызметке тағайындалды

Әлеуметтік желіде уағыз айтып танымал болған Нұрлан имам бүгінде жаңа қызметке ие болды. Ол туралы өзі желідегі парақшасында жариялады, деп хабарлайды newsroom.kz.

“Жұмадағы жаңалық. Алланың қалауымен, елдің ақ тілегімен бүгін Астанадағы “Алланың гүлі” аталып кеткен Ырыскелді қажы атындағы мешітке бас имам болып тағайындалдым. Енді Астана жұртшылығымен және қала қонақтарымен осы мешітте жүздесеміз. Еліміз тыныш, жұртымыз аман, руханиятымыз тұғырлы болсын”,-деп жазды Нұрлан Байжігітұлы. Естеріңізге сала кетсек, жастарға Тикток желісі танымал болған Нұрлан имамның уағыздары бүгінде тек Қазақстан емес, Орта Азия мемлекеттеріне де тарап, танымалдығы арта түскен. Бүгінде оның парақшасын 2 миллионнан астам оқырмандар қарайды екен.