Петр Своик: Қазақстан – орыс әлемінің бір бөлшегі

Қазақстандық танымал экономист әрі саясаттанушы Петр Своик қазақтар мен Қазақстанды «орыс әлемінің бөлшегі» деп атады, деп newsroom.kz хабарлайды El.kz ақпараттық агенттігіне сілтеме жасап. Бұл туралы ол AIRAN YouTube арнасына берген сұхбатында айтты. Сарапшы өзге ұлты өкілдері Қазақстаннан кетіп қалса да, қазақтар орысша сөйлеуін жалғастыра береді дегенді алға тартты.

«Қазақстан ­– тарихи тұрғыдан алсақ та, географиялық тұрғыдан алсақ та, орыс әлемінің бір бөлшегі. Талайды бастан өткердік. Қиындық та болды. Дегенмен Қазақстан да, қазақ ұлты да осы істің бөлігі. Білімді қазақтардың барлығы өздерінің орысша сөйлей алатынын көрсетіп келеді. Яғни Қазақстаннан өзге ұлт өкілдері жоқ болып кетсе де, қазақтар орыстілді болып қала бермек. Тіл бар жерде көзқарас та, білім де, информатика да бар. Орыс әлемі болған, бар және бола да береді», - деді Своик.