Жаңалықтар

Иманды болсын! Белгілі журналист Кенжеболат Жолдыбай өмірден озды

02-28-2022 10:02 NewsRoom

Бүгін белгілі журналист, "Құрмет" орденінің иегері Кенжеболат Жолдыбай қайтыс болды.

Осыған орай, newsroom.kz порталының редакциясы марқұмның отбасылары мен оқырмандарына қайғыра отырып көңіл айтады! Бұл тұрғыда еліміздің Ақпарат министрі Асқар Умаровтың да белгілі журналистің қайтыс болғанын назардан тыс қалдырмай, әлеуметтік желідегі парақшасына былай деп жазды.

Қазақстан Журналистер одағының мүшесі, «Құрмет» орденінің иегері Кенжеболат Жолдыбайдың өмірден мезгілсіз озуына байланысты марқұмның отбасы мен жақындарының қайғысына ортақтасып, көңіл айтамын. Қаламгеріміздің жарқын болмысы мен бейнесі қатары қалың оқырман қауымның есінде сақталады. Кенжеболат аға қазақ журналистикасының дамуына өлшеусіз үлес қосқан зиялы жан, еліміздің ақпарат кеңістігінде өз ой-пайымы бар тұлға болды. Марқұмның жаны жанатта болсын!