Қытайда коронавирустың жаңа түрі пайда болды

Қытайда коронавирустың жаңа түрі пайда болды деген хабарлар тарап жатыр. Аспан асты елінің Харбин қаласында бұл ауруды 80 адам жұқтырып үлгерген деп жазады NewsRoom+ ақпарат агенттігінің тілшісі day.az-ru-ға сілтеме жасап. Қалаға өзге аймақтан кіруге қатаң тыйым салынған. Сондай-ақ көліктердің барлық түрімен қозғалуға шектеулер қойылған. Жергілікті тұрғындар бетпердесіз және электронды рұқсатынсыз көшеге шығуға болмайды. Ал Харбин қаласына шекара асып келгендер төрт апталық карантинге жатқызылды. Еске сала кетсек, желтоқсан айында Қытайдың Ухань қаласындағы алғаш пайда болған коронавирус бүкіл дүниежүзіне таралып үлгерген болатын. Жақында ғана 11 апталық карантиннен енді қалыпты жағдай көше бастаған еді.