44 жастағы әртістің жұбайы 71 жасқа толды

Ресейдің Примадтннасы атанған Алла Пугачева бүгін 71 жасқа толып отыр.  Оның репертуарында 500-ге жуық ән бар. Сонымен қатар ағылшын, француз, неміс, украин тілдерінде де әндері жетерлік. Ресейдің халық әртісі қазіргі уақытта белсенді шығармашылық жұмыстан демалып, гастрольдерін тоқтатқан. Алайда зейнеттегі әнші өзінің әндерін сүйіп тыңдайтын тыңдармандарын ара-тұра жаңалықтарымен қуантып отырады. Әншінің шығармашылығы мен жеке өмірі де қызу талқыланып отырады. Алғашқы күйеуі Миколас Орбакастан туған Кристина қызынан үш немере сүйіп отыр. 11 жыл отандасқан Ресейдің жарық жұлдызы Филипптен ажырасып, өзінен 27 жас кіші әзілкеш Максим Галкинмен көңіл қосқан. Алайда Примадонна бесінші күйеуімен он жыл жасырын кездесіп жүргенімен, заңды некеге 2011 жылы ғана тұрған. Бүгінде екеуінің суррогаттық жолмен дүниеге әкелген егіздері-ұлы Гарри мен Елизавета өсіп келеді.