Компания облигациялардың сыйақы мөлшерлемесін, айналым мерзімін және әлеуетті сатып алушыларын әзірге жариялаған жоқ. Жаңа шығарылым жалпы көлемі 940 млрд теңгеге дейінгі облигациялық бағдарлама аясында жүзеге асады.

Сонымен қатар акционерлер №4 энергоблок бойынша жеке тарифті және электр қуатын өндіруге дайын болғаны үшін төленетін келісімшарттың ең жоғары құнын арттыру мәселесін қарайды. Алайда нақты тариф пен келісімшарттың шекті сомасы коммерциялық құпия ретінде көрсетілген.

29 қыркүйекте акционерлер №3 және №4 энергоблоктарды жобалау және салу жөніндегі келісімшартқа қосымша келісімді де қарамақ. Жобаның мердігерлері – KBI Energy Group, «Стройиндустрия» және «Энерго Спец Строй». Келісімге қандай өзгерістер енгізілетіні және жұмыстардың құны әзірге ашық жарияланған жоқ.

Жоба аясында әрқайсысының қуаты 540 МВт болатын екі жаңа энергоблок салу жоспарланған. Үшінші энергоблокты 2028 жылы, төртіншісін 2030 жылы іске қосу көзделген. Жоба толық жүзеге асқан жағдайда станцияның жалпы қуаты 2080 МВт-қа дейін жетеді.

Қазір Екібастұз ГРЭС-2 құрамында жалпы қуаты 1000 МВт болатын екі энергоблок жұмыс істейді. Бірінші энергоблок 1990 жылы, екіншісі 1993 жылы іске қосылған.

Айта кетейік, Екібастұз ГРЭС-2 толықтай мемлекетке тиесілі. Акциялардың 50%-ы «Самұрық-Қазына» қорына, қалған 50%-ы оның еншілес компаниясы «Самұрық-Энергоға» тиесілі.

Үшінші күнгі жарыстарда қазақстандықтар аударыспақ, құсбегілік, самбо, қырғыз күресі, қол күресі және арқан тартыс сияқты спорт түрлерінен жүлдеге ілікті.

Аударыспақтан 100 келіге дейінгі салмақта әлем чемпионы әрі Көшпенділер ойындарының екі дүркін жеңімпазы Сырым Ізбасаров қырғызстандық қарсыласын айқын басымдықпен жеңіп, үшінші рет чемпион атанды. 90 келіге дейінгі салмақта Дарын Өткелбай да алтын жүлдеге қол жеткізді.

Құсбегіліктен де Қазақстан құрамасының қоржыны бірнеше медальмен толықты. Серікболсын Жалғасұлы «қаршыға» санатында алтын медаль иеленсе, Арман Қошқаров пен Бақдәулет Бабажан күміс, Ерлан Кенжетаев қола жүлде алды. 

Сонымен қатар қазақстандық спортшылар самбо, қырғыз күресі, қол күресі және арқан тартыстан жүлдеге ие болды. Қол күресінен ұлттық құрама бірден жеті алтын медаль жеңіп алды. 

VI Дүниежүзілік көшпенділер ойындарына әлемнің 113 елінен 3 мың спортшы қатысып жатыр. Жарыстар 31 тамыз бен 6 қыркүйек аралығында Қырғызстанда өтуде. 

Жүргізуші жалынды дер кезінде байқап, өрттің көлікке таралу қаупін азайту үшін жанып жатқан қоқысты тікелей жолға түсірген.

Төтенше жағдайлар департаментінің мәліметінше, өрттің аумағы 15 шаршы метрді құраған. Сағат 17:42-де Қарағанды облысы ТЖД қызметкерлері қызыл жалынды толық сөндірді.

Оқиға салдарынан зардап шеккендер жоқ.
 

Ол 2006-2022 жылдары Қазақстан Республикасы Мемлекеттік күзет қызметінде түрлі офицерлік және басшылық лауазымдарда қызмет атқарды.

2022-2024 жылдары Мемлекеттік күзет қызметі бастығының орынбасары – Президент күзет қызметінің бастығы болды.

2024 жылғы ақпанда Шыңғыс Әрінов Төтенше жағдайлар министрі болып тағайындалды. Бұл қызметті 2026 жылдың қыркүйегіне дейін атқарды.

Енді ол Алматы облысының әкімі ретінде өңірді басқарады. Әрінов бұл қызметте 2022 жылдың маусымынан бері облыс әкімі болған Марат Сұлтанғазиевтің орнына келді.

Билік Фуцзяньда 83 мыңнан астам адамды эвакуациялаған. Бірқатар өңірде мектептер жабылып, көлік қатынасы уақытша тоқтатылды. 150-ден астам туристік нысан да жұмысын тоқтатқан. 

Құтқару қызметтері су басқан аудандарда тұрғындарды эвакуациялап, жолдарды тазарту және суды сору жұмыстарын жүргізіп жатыр. Мамандар нөсер жаңбырдың салдарынан сел, лай көшкіні және өзендердің тасу қаупі сақталатынын ескертті. 

БҰҰ мен Еуропалық комиссияның апаттарды үйлестіру жүйесі Қытайдағы су тасқынынан зардап шеккендер саны 317 мыңнан асқанын көрсетеді.

Қарарға әлемнің түрлі өңірлерін білдіретін 32 мемлекет қосалқы автор болды. Құжат халықаралық қоғамдастықтың қоршаған ортаны қорғау, экожүйелерді қалпына келтіру және жасыл желекті кеңейту мәселелеріне назар аударуға бағытталған. 

Жаңа халықаралық күн аясында мемлекеттерді, БҰҰ жүйесін, халықаралық және өңірлік ұйымдарды, азаматтық қоғамды қоршаған ортаны көгалдандыру мен табиғи экожүйелерді қалпына келтіруге арналған іс-шаралар өткізуге ынталандыру көзделеді.

Айта кетейік, бұл бастама Қазақстанда жүзеге асып жатқан «Таза Қазақстан» жалпыұлттық экологиялық акциясының мақсаттарымен де үндеседі.

Еңбек жолын 1997 жылы салық органдарында бастаған. Әр жылдары Алматы қаласы бойынша Мемлекеттік кірістер департаментін басқарды, ҚР Қаржы министрлігі Мемлекеттік кірістер комитетінің төрағасы болды.

2021 жылдың мамырынан 2022 жылдың қаңтарына дейін Қаржы вице-министрі, ал 2022 жылғы қаңтар-маусым аралығында Қаржы министрінің бірінші вице-министрі қызметін атқарды.

2019 жылы Марат Сұлтанғазиев «Құрмет» орденімен марапатталған.

Ашық турнир 29–30 тамыз күндері 55 жастан асқан ардагерлер арасында ұйымдастырылған.

Матч кезінде 58 жастағы ер адамның жағдайы күрт нашарлап, жүрегі тоқтаған. Оқиға орнына жедел жәрдем шақырылып, дәрігерлер реанимациялық шаралар жүргізген. Медиктер оның жүрек қызметін қалпына келтіргенімен, кейін ер адам қайтыс болған.

Ақмола облысының дене шынықтыру және спорт басқармасының мәліметінше, турнирге қатысушылардың барлығы жарысқа қатысуға медициналық рұқсат алған.

Оқиға бойынша полиция тексеру жүргізіп жатыр. Оның нәтижесі бойынша тиісті процессуалдық шешім қабылданады.

Сонымен қатар «Панабек» компаниясы санитарлық-техникалық бұйымдар өндірісіне қажетті металл инсталляцияларын әзірлеп, оларды «Roca Group» өкілдеріне таныстырды. Өнімдер компания талаптарына сәйкес келген жағдайда, жергілікті кәсіпкерлермен әріптестік орнату жоспарланып отыр.

Жоба аясында жергілікті қамтуды арттыруға ерекше мән берілмек. Өңірдегі әлеуметтік нысандар мен Президент саябағы аумағында салынатын бес және үш жұлдызды қонақүйлерде компания өнімдерін пайдалану көзделген.

Айта кетейік, бұған дейін облысқа жұмыс сапары барысында Премьер-министрдің бірінші орынбасары Нұрлыбек Нәлібаев смесительдер мен инсталляциялық жүйелерді құрастыру желісін жыл соңына дейін іске қосу жоспарланғанын айтқан болатын.

Облыс әкімдігі инвестициялық жобаны жүзеге асыруға және компанияға қажетті қолдау көрсетуге дайын екенін жеткізді.
 

Қойылымның алғашқы көрсетіліміне Түркістан облысы әкімінің орынбасары Ертай Алтаев, Қазақстанның Батуми қаласындағы құрметті консулы Гиоргий Абашидзе, Қазақстанның Грузиядағы елшілігінің үшінші хатшысы Риза Садық, Грузия Мәдениет министрлігінің өкілдері және Батуми мемлекеттік драма театрының директоры Коте Мзавия қатысты.

Спектакльде Абайдың философиялық ойлары сөзбен ғана емес, актерлердің қимылы мен пластикасы арқылы жеткізіледі. Қойылым адам өмірінің мәнін іздеу, рухани құлдырау мен қайта өрлеу тақырыптарын сахналық қозғалыс арқылы ашады.

Грузиялық көрермендер түркістандық өнерпаздардың өнерін жоғары бағалап, актерлердің шеберлігіне ризашылықтарын білдірді.

Спектакльдің режиссері – Мадина Мұратпекова, композиторы – Хамит Шанғалиев.

Гастроль бес күнге жоспарланған. «Абай. Қара сөз» спектаклінің екінші көрсетілімі 3 қыркүйекте өтеді. Ұйымдастырушылардың айтуынша, гастроль екі ел арасындағы мәдени байланыстарды нығайтуға бағытталған.

Қол қойылған құжаттардың бірі – екі елдің сыртқы істер министрліктері арасындағы саяси консультациялар жөніндегі өзара түсіністік туралы меморандум. Ол мемлекеттер арасындағы саяси диалогты тұрақты түрде дамытуға бағытталған.

Сонымен қатар Қазақстан Бас прокуратурасы мен Лаостың Жоғарғы халық прокуратурасы арасында өзара түсіністік туралы меморандум жасалды. Құжат құқық қорғау органдары арасындағы ынтымақтастықты дамытуға мүмкіндік береді.

Цифрлық бағытта Қазақстанның Жасанды интеллект және цифрлық даму министрлігі мен Лаостың Ғылым және технологиялар министрлігі ақпараттық-коммуникациялық технологиялар және электрондық мемлекеттік қызметтер саласындағы ынтымақтастық туралы меморандумға қол қойды.

Бұдан бөлек, Астана мен Вьентьян қалалары арасында бауырластық байланыстар орнату туралы меморандум жасалды. Бұл екі елдің қалалары арасындағы тікелей байланыстарды дамытуға жол ашпақ.

Айта кетейік, Қазақстан мен Лаос бұған дейін де құқықтық және дипломатиялық бағыттарда ынтымақтастық орнатқан. Мәселен, екі ел арасында дипломатиялық және қызметтік паспорт иелеріне визалық талаптарды жеңілдету туралы келісім бар. 

Осы құжаттар Қазақстан мен Лаос арасындағы саяси диалогты ғана емес, құқық қорғау, цифрландыру және қалалар арасындағы байланыстарды да кеңейтуге бағытталған.

Алайда 2026 жылғы көрсеткіштерді өткен жылдармен тікелей салыстыруға болмайды. Биыл статистиканы есептеу әдістемесі өзгерді: мобильді интернет те мобильді байланыс санатына енгізіліп, есептеу аясы кеңейді.

Тарифтерді жекелеген операторлар да қайта қарады. Beeline 15 қаңтардан бастап кейбір архивтік тарифтердің абоненттік төлемін көтерді, бірақ пакет көлемін ұлғайтпады. Tele2 17 шілдеден бастап «Выгодный 3» тарифін 4,4 мыңнан 5,2 мың теңгеге дейін қымбаттатты. Бұл – 18,2% өсім. Дегенмен оператор пакет құрамын да кеңейтті. Ал Kcell 2025 жылдың көктемінде тарифтерді көтеруді жоспарлағанымен, клиенттердің өтініштерінен кейін бұл шешімнен бас тартқан.

Халықаралық салыстыру да қызық. Халықаралық электр байланысы одағының (ITU) 2025 жылғы дерегінде 140 минут, 20 SMS және 5 ГБ интернеттен тұратын стандартты мобильді байланыс себетінің құны Қазақстанда 11,8 доллар болған. Өзбекстанда бұл көрсеткіш 2,3 доллар, Қырғызстанда 2,9 доллар, Тәжікстанда 7,2 доллар. Орталық Азияда Қазақстаннан қымбат көрсеткіш тек Түрікменстанда – 51,4 доллар.
 

Владивостокта Қазақстандағы алғашқы атом электр станциясын жобалау, жабдықтау және салу бойынша келісімшартқа қол қойылды. Құжатқа «Қазақстан атом электр станциялары» ЖШС мен «Росатом» мемлекеттік корпорациясының еншілес кәсіпорны – «Атомстройэкспорт» АҚ қол қойған. Бұл туралы Newsroom.kz хабарлайды.

Келісімшарт XI Шығыс экономикалық форумы аясында жасалды. Рәсімге Қазақстан Атом энергиясы агенттігінің төрағасы Алмасадам Сәтқалиев пен «Росатом» бас директоры Алексей Лихачёв қатысты.

Ресми мәлімет бойынша, жоба «Балқаш» АЭС-ін екі энергоблокпен салуды көздейді. Олардың жалпы электр қуаты 2400 МВт болады. Станция Алматы облысы Жамбыл ауданындағы Үлкен ауылы маңында орналасады.

Келісімшартқа қол қою АЭС жобасын дайындық кезеңінен практикалық іске асыру кезеңіне өткізеді. Енді тараптар 2026 жылғы 28 мамырдағы үкіметаралық келісімге сәйкес қажетті рәсімдерді жалғастырып, Қазақстан Үкіметімен тиісті келісімдерді жүргізеді.

Атом энергиясы агенттігінің мәліметінше, жобаны жүзеге асыру кезінде қазақстандық кәсіпорындар мен мамандарды барынша тартуға, отандық тауарлар, жұмыстар мен қызметтерді пайдалануға ерекше көңіл бөлінеді. Ведомство бұл жоба отандық өнеркәсіпті дамытуға және атом энергетикасы саласында ұлттық құзыреттер қалыптастыруға мүмкіндік беретінін атап өтті.

Қазір тергеушілер қайғылы оқиғаның себептері мен мән-жайын анықтап жатыр. Полиция тергеу мүддесіне байланысты өзге ақпаратты жарияламады. 

Ал Ұлытау облысында адам өліміне әкелген жол-көлік оқиғасы Жезқазған – Есіл – Петропавл автожолының 33-шақырымында болған. Алдын ала мәлімет бойынша, көліктердің бірінің жүргізушісі қарсы жолаққа шығып кетіп, нәтижесінде үш автокөлік соқтығысқан.

Жол апатынан үш адам қаза тауып, тағы бір жүргізуші ауруханаға жеткізілді. Қаза болғандардың арасында екі өртке қарсы қызмет қызметкері болғаны хабарланды. Олар оқиға кезінде қызметте болмаған және жеке шаруаларымен Жезді кентінен Сәтбаевқа қарай жолға шыққан. 

Аталған факті бойынша Ұлытау облысының полициясы қылмыстық іс қозғады. Қазір жол апатының барлық мән-жайы анықталып жатыр.

Полицияның мәліметінше, алдын ала тергеу барысында күдіктінің есірткіні жасырын орындарға жасыру арқылы таратқаны анықталған. Ер адам тыйым салынған заттарды өзі де «закладка» арқылы алып, кейін Алматы аумағында таратқан деген болжам бар. 

Күдікті қамауға алынды. Аталған факті бойынша қылмыстық іс қозғалды.

Қазір полиция оқиғаның барлық мән-жайын және заңсыз есірткі айналымына қатысы болуы мүмкін басқа да адамдарды анықтап жатыр. 

Оқу-ағарту министрі Жұлдыз Сүлейменова да қайта тағайындалды. Ол министрлікке 2025 жылғы қыркүйекте келген болатын. 

Өнеркәсіп және құрылыс министрі Ерсайын Нағаспаев қызметін жалғастырады. Президенттің тиісті жарлығы 3 қыркүйекте жарияланды. 

Энергетика министрі Ерлан Ақкенженов те орнында қалды. Оның қайта тағайындалғаны туралы жарлықты Мемлекет басшысы 3 қыркүйекте қабылдады. 

Су ресурстары және ирригация министрі Нұржан Нұржігітов те қызметін сақтап қалды. Ол осы министрлікті 2023 жылғы қыркүйектен бері басқарып келеді. 

Ал Сауда және интеграция министрі Арман Шаккалиев те жаңа Үкімет құрамында жұмысын жалғастырады. Оның қайта тағайындалғаны туралы да президенттің жарлығы шықты. 

Үкіметтегі вице-премьерлердің басым бөлігі де қызметтерін сақтап қалды. Олардың қатарында Серік Жұманғарин, Жаслан Мәдиев және Қанат Бозымбаев бар. Жұманғарин вице-премьер – Ұлттық экономика министрі, Мәдиев вице-премьер – Жасанды интеллект және цифрлық даму министрі, ал Бозымбаев премьер-министрдің орынбасары қызметін жалғастырады. 

Өнер иесі бұған дейін Мемлекет басшысы Қасым-Жомарт Тоқаевтың өзіне тазы сыйлағанын да еске салды. Димаш төрт аяқты серігін «Ғарышкер» деп атаған.

Әнші Президент сыйлаған тазы туралы алғаш рет 2024 жылы жариялаған болатын. Сол кезде Димаш «Ғарышкердің» өзінің сенімді серігіне айналғанын айтып, қазақ халқының тазыны ежелден ерекше қадірлегенін атап өткен. 

Айта кетейік, қазақ тазысы Қазақстанның ұлттық мұрасының маңызды символдарының бірі саналады. Димаштың жаңа жарияланымы әлеуметтік желіде ұлттық құндылықтарға деген қызығушылықты тағы да арттыра түсті.

Одан кейін Құрмет қарауылы ротасының бастығы рапорт берді. Рәсім кезінде Қазақстан мен Лаостың мемлекеттік әнұрандары орындалды.

Тхонглун Сисулиттің Қазақстанға сапары ресми форматта өтіп жатыр. Биыл Лаос Шанхай ынтымақтастық ұйымының диалог бойынша 15-ші серіктесі мәртебесіне ие болды.

Сапар аясында Қазақстан мен Лаос арасындағы екіжақты ынтымақтастықты дамыту мәселелері талқылануы күтіледі. Президенттердің келіссөздері Астанада өтеді.

Яғни салық тек белгіленген шектен асқан сомаға емес, көліктің толық құнына есептеледі. Мысалы, 80 млн теңгеге көлік сатып алған адам 8 млн теңге, ал 100 млн теңгелік көлік үшін 10 млн теңге акциз төлейді. 150 млн теңгелік автокөлікке төлем 15 млн теңге болады. 

Бұл төлем жыл сайынғы көлік салығын алмастырмайды. Яғни қымбат автокөлік иесі акцизді сатып алу кезінде бөлек төлеп, кейін көлік салығын жалпы тәртіппен өтейді.

Сонымен қатар автокөлікті кейін қайта сатқан жағдайда да акцизге қатысты міндеттеме туындауы мүмкін. Мамандардың түсіндіруінше, бұл норма қымбат көліктерді Қазақстан ішінде қайта сату жағдайларына да қатысты қолданылады. 

Ал көлікті сатқан кезде туындайтын мүліктік табыс салығы — басқа төлем. Мысалы, автомобиль бір жылдан аз уақыт меншікте болып, кейін қымбатқа сатылса, сатушыда мүліктік табыс бойынша салық міндеттемесі пайда болуы мүмкін. 

Емнен кейін белгілер неге қайта пайда болуы мүмкін?

Қайталанатын цистит деп алты ай ішінде кемінде екі рет немесе бір жылда үш рет пайда болатын циститті айтады. Мұндай диагноз зәрдің бактериологиялық себіндісі арқылы расталады. Қосымша тексеру барлығына бірдей қажет емес, оның көлемі шағымдар мен қауіп факторларына байланысты анықталады.

Жас әйелдерде жыныстық қатынас, спермицидтерді қолдану немесе жаңа жыныстық серіктестің пайда болуы әсер етуі мүмкін. Менопаузадан кейін зәрді ұстай алмау, эстроген тапшылығына байланысты шырышты қабаттағы өзгерістер және қуықтың толық босамауы себеп болуы ықтимал.

Қандай әдеттер зәр шығару жолдарының денсаулығына әсер етуі мүмкін?

Алдын алуға қатысты кең тараған кеңестердің барлығының ғылыми дәлелдеме деңгейі бірдей емес. Нұсқаулықтарда жеткілікті мөлшерде сұйықтық ішуге және зәр шығаруды ұзақ уақытқа ұстап жүрмеуге мән беріледі. Дегенмен көптеген мінез-құлыққа байланысты шаралардың тиімділігі жөніндегі деректер шектеулі.

Күнделікті өмірде мынаған көңіл бөлген пайдалы:

•⁠  ⁠медициналық себеп болмаса, сұйықтықты шектемеу;
•⁠  ⁠зәр шығаруға деген қажеттілікті ұзақ уақыт ұстап жүрмеу;
•⁠  ⁠жайсыздықтың қай жағдайлардан кейін қайталанатынын бақылау;
•⁠  ⁠антибиотиктерді алдын алу мақсатында өз бетіңізше қабылдамау.

Менопаузаға дейінгі, әдетте күніне 1,5 литрден аз сұйықтық ішетін әйелдерде оның мөлшерін арттыру жаңа жағдайлардың қаупін төмендетуі мүмкін. Егер сұйықтықты шектеу қажет болса, ішу режимін дәрігермен келісу керек.

Әдеттерді өзгерту жеткіліксіз болған жағдайда не істеу керек?

Егер мәселе қайталана берсе, күнделікті әдеттерді өзгерту жеткіліксіз болуы мүмкін. Қайталанатын цистит кезінде зәрдің бактериологиялық себіндісі инфекцияның бар екенін растауға көмектеседі, ал қосымша тексерулер көрсеткіштерге қарай тағайындалады.

Егер дене қызуы көтерілсе, қалтырау, бүйір немесе бел тұсының ауыруы, жалпы жағдайдың нашарлауы байқалса, медициналық көмекке тезірек жүгінген жөн. Мұндай белгілер инфекцияның тек қуықпен шектелмегенін көрсетуі мүмкін. Жүктілік кезінде осындай белгілер байқалса, жеке медициналық бағалау қажет.

Циститпен ауырғаннан кейін нені есте ұстаған маңызды?

Егер емнен кейін шағымдар толық жоғалса, әдетте бақылау үшін талдау немесе зәр себіндісін қайта тапсыру қажет емес. Ал белгілер сақталса немесе көп ұзамай қайта пайда болса, бұрынғы тағайындауларды өз бетіңізше қайталамай, емдеу тактикасын дәрігермен қайта қараған дұрыс.

Цистит қайталанған кезде бір әмбебап дәрі іздегеннен гөрі, жеке қауіп факторларын анықтап, диагнозды растаған пайдалы. Бұл қажетсіз шектеулер мен негізсіз өзін-өзі емдеуден сақтануға көмектеседі.

Дәрілік препарат туралы ақпарат

Тіркеу куәлігі: РК-ЛС-5№020016.

Қолдануға болмайтын жағдайлар: препарат құрамындағы компоненттерге жоғары сезімталдық; асқазан мен он екі елі ішектің ойық жара ауруының асқыну кезеңі. Таблетка түрі лактаза тапшылығы, лактоза жақпаушылығы, глюкоза-галактоза мальабсорбциясы кезінде қарсы көрсетілген.

Балалар мен жүкті әйелдерге қатысты шектеулер: жүктілік кезінде препаратты ана үшін күтілетін пайдасы ұрыққа төнуі мүмкін қауіптен жоғары болған жағдайда ғана дәрігердің тағайындауымен қолдануға болады. Емшекпен емізу кезеңінде препаратты қабылдау ұсынылмайды. Таблетка түрін 18 жасқа дейінгі балаларға қолдануға болмайды.