Елорда

«Аруақтардан ұят болды». Депутат Атырау облысындағы жолдың жөнделмей жатқаны айтты

Мәжіліс депутаты Берік Дүйсембинов ұзындығы 250 шақырым болатын Атырау-Астрахан жолы жөнделмей жатқанын айтты, деп хабарлады Newsroom.kz тілшісі.

Депутат Индустрия және инфрақұрылымдық даму министрі Қайырбек Өскенбаевқа демалыс күндері Атырау облысында болғанын жеткізді.

«Сізге бұл жерге бару қиын болса, біз кеше ғана сол жерден келдік. Сенбі-жексенбі күндері сіз айтып отырған Атырау – Астрахан жолын өз көзімізбен көріп, аяғызбен сол жолда жүрдік. Кеше түнде сол жақтан келдік. Сіз бұл жолды 2023 жылға дейін жөндеп бітіреміз деп отырсыз. Ол – өтірік әңгіме. Жұртта қалған арба сияқты ана жерде бір каток, мына жерде бір каток тұр. Біз қайнап жатқан жұмысты көрген жоқпыз. Сіз айтып отырған 60 шақырым жұлма-жұлма жолдың бойында жүргізушілер сынған көлігін жөндеу үшін тоқтайды. Бірақ жүру үшін емес. Оны өз көзімізбен көрдік», – деді ол Мәжілістегі Үкімет сағатында.

Берік Дүйсембинов атыраулықтар мұнайдың қызығын көрмей отырғанын, жолдардың сапасы сын көтермейтінін атап өтті.

«Ол жолмен жүрсеңіз, жолдың екі жағында бір ғасырдан артық 100 жыл мұнай өндіріп отырған елді көресіз. Олар сол қазылып жатқан қара алтынның бір тамшысы да жолға түспеген. Жолдың бойымен өтіп бара жатқанда Исатайдың, батырлардың, Құрмағанзының қасынан өтесіз. Аруақтардан ұят болды. (Атырау – Астрахан жолы – автор) 250 шақырым жолды жөндеу қашан бітеді?», – деді ол.

Министр 2023 жылы жолды жөндеу жұмысы бітетінін айтты.

«Биыл бұл жолдың 150 шақырымын, ал қалған 117 шақырымын 2023 жылы бітіреміз. Мен болмады деп айтуға болмайтын шығар. Осында отырған депутаттармен онда бірнеше рет болдық. Орынбасарым ол жерге айына 1 рет барады», – деді Қайырбек Өскенбаев.

Жазба қандай әсер қалдырды?

Жазбаға баға беріңіз!

Орташа 0 / 5. Бағалар саны: 0

Әзір ешкім бағаламапты. Алғашқы болып баға беріңіз!

Пікір жазу үшін басыңыз

Leave a Reply

Э-пошта мекенжайыңыз жарияланбайды. Міндетті өрістер * таңбаланған

Ең Танымал

Редакциямен байланыс:

E-mail: info@newsroom.kz

Телефондар: +7 (775) 186-21-13, Нұр-Сұлтан қ.

ZERO.kz

Лицензия

ҚР Ақпарат және коммуникациялар министрлігінің 25.05.2017 жылдан №16544 «NewsRoom +» АА Куәлігі берілген.
© 2017-2022
Сайттағы материалдарды пайдаланғанда міндетті түрде сілтеме берулеріңізді сұраймыз. Ақпараттық порталдағы авторлық және басқа да құқықтар толығымен қорғалатынын ескертеміз. Автордың жеке пікірі редакцияның көзқарасы болып саналмайды. Жарнама мен түрлі хабарландыруларға жарнама беруші жауапты.