Елорда

Астанада жаңа білім беру орталығы ашылды

https://youtu.be/Z81TaVwFWz0

Астанада жаңа білім беру орталығы ашылды. Онда балалар мен жасөспірімдер өздерінің білімдері мен шығармашылық қабілеттерін одан әрі жетілдіреді, деп хабарлайды елорда әкімдігінің ресми сайты.

«Жақсылық арифметикасы» оқу орталығында жасөспірімдер бәсекеге қабілетті, сапалы білім алады.

Оның ашылу салтанатына Астана әкімінің орынбасары Есет Байкен, елордалық басқармалардың басшылары және Сарыарқа ауданы әкімдігінің өкілдері қатысты.

Есет Байкен мұндай мекемелердің санын көбейту қажет екенін атап өтті.

«Біздің қаламызда 200 мың бала оқитын 150-ден астам қосымша білім беру орталығы бар. Алайда, елорданың кейбір аудандарында олар әлі де жетіспейді. Атап айтқанда, жаңа орталық орналасқан Сарыарқа ауданының тұрғындарынан бұрын балаларға арналған демалыс мекемелерінің жетіспеушілігі туралы көптеген өтініштер келіп түскен. Мұндай орталықтардың ашылуы қажырлы еңбек пен шыдамдылықты қажет етеді. Бұл мәселені тек өз кәсібін жақсы көретін жанқияр адамдар ғана қабылдай алады. Елордада осындай орталықтардың ашылуы жалпы білім беру жүйесі саласында өте тиімді», – деп толықтырды әкімнің орынбасары.

Жаңа орталықтың директоры Ұлжан Мырзағалиева мекеменің ашылуына және оның жұмысын жандандыруға үлкен қолдау көрсеткен Астана әкімдігіне алғысын білдірді.

«Жаңа орталықтың мақсаты-көпбалалы және аз қамтылған отбасылардан шыққан балаларды тегін және 50 пайыздық жеңілдікпен оқыту. Мұнда 300-ге дейін адам оқи алады. Орталықтың бағдарламасында 10 пән бар. Қала әкімдігінің қолдауымен біз жұмысқа қажетті қызметкерлер санын қабылдадық. Сонымен қатар, бізге жаңа орталық үшін ғимаратты қолайлы бағамен жалға алуға мүмкіндік берілді», – дейді Ұлжан Мырзағалиева.

Ашық оқу орталығының сыйымдылығы-350-400 орын. Білім беру нысаны «Жақсылық арифметикасы» Қоғамдық қоры мен Астана қаласы әкімдігінің қолдауымен ашылды. Тоғызқұмалақ, робототехника, менталдық арифметика, вокал үйірмелері бар. Сіз сондай-ақ, логопед маманының қызметтерін пайдалана аласыз.

Жазба қандай әсер қалдырды?

Жазбаға баға беріңіз!

Орташа 0 / 5. Бағалар саны: 0

Әзір ешкім бағаламапты. Алғашқы болып баға беріңіз!

Пікір жазу үшін басыңыз

Leave a Reply

Э-пошта мекенжайыңыз жарияланбайды. Міндетті өрістер * таңбаланған

Ең Танымал

Редакциямен байланыс:

E-mail: info@newsroom.kz

Телефондар: +7 (775) 186-21-13, Нұр-Сұлтан қ.

ZERO.kz

Лицензия

ҚР Ақпарат және коммуникациялар министрлігінің 25.05.2017 жылдан №16544 «NewsRoom +» АА Куәлігі берілген.
© 2017-2023
Сайттағы материалдарды пайдаланғанда міндетті түрде сілтеме берулеріңізді сұраймыз. Ақпараттық порталдағы авторлық және басқа да құқықтар толығымен қорғалатынын ескертеміз. Автордың жеке пікірі редакцияның көзқарасы болып саналмайды. Жарнама мен түрлі хабарландыруларға жарнама беруші жауапты.