Дін

Түркияның «Хасеки» академиясында қазақстандық 64 имам білімін жетілдіруде

0
(0)

Нұр-Сұлтанда ҚМДБ Төрағасы Наурызбай қажы Тағанұлы Түркия Дін істері басқармасының қажылық және умра қызметтері комитетінің төрағасы Ремзи Біржанмен және Түркияның Қазақстандағы елшісінің дін істері жөніндегі кеңесшісі Нешет Бодурмен кездесті деп жазады newsroom.kz тілшісі.

Кездесу барысында Түркиямен қарым-қатынасты арттырып, қажылық саласында тәжірибе алмасу, сондай-ақ имамдардың біліктілігін көтеру мәселелері талқыланған. ҚМДБ баспасөз қызметінің ақпарынша, Бас мүфти Наурызбай қажы Тағанұлы Түркия Дін істері басқармасы басшылығына ҚМДБ бастамаларына көрсеткен қолдаулары үшін алғыс білдірді. Бас мүфти оқу-ағарту, пәтуа шығару т.б бойынша ұсыныстарда Түркия дін істері қашан да қолдау білдіретінін алға тартты. «Осы сәтті пайдаланып, Түркиядағы әріптес-бауырларыма тағы да алғыс айтамын» деді Наурызбай қажы.

Атап өтерлігі, екіжақты келісімге сәйкес бүгінгі таңда Түркияның «Хасеки» академиясында қазақстандық 64 имам білімін жетілдіруде. Бұған дейін қазақстандық имамдар ҚМДБ және Мысыр Араб Республикасының Әл-Азһар университеті арасындағы екіжақты келісімге сәйкес ұйымдастырылған онлайн курстан өткен еді.

Еске салсақ, елордада VII Әлемдік және дәстүрлі дін басшыларының съезі өтуде. Съезде күн тәртібінде тұрған бірқатар маңызды мәселелер талқыға салынды.

 

Мақсат ЖАҚСЫЛЫҚОВ

 

 

Жазба қандай әсер қалдырды?

Жазбаға баға беріңіз!

Орташа 0 / 5. Бағалар саны: 0

Әзір ешкім бағаламапты. Алғашқы болып баға беріңіз!



Пікір жазу

Э-пошта мекенжайыңыз жарияланбайды. Міндетті өрістер * таңбаланған

Back to top button