Дәрігерлер алақанға қарап қатерлі ісік бар екенін білуге болады деп есептейді. Статистикаға сүйенсек, әлемде адамның көпшілігі жүрек-қан тамырлары ауруларынан көз жұмады. Екіншісі – онкология, деп Newsroom.kz жазады Massaget.kz дереккөздеріне сүйене отырып.
Британдық дәрігерлердің айтуынша, кейбір жағдайларда алақанда пайда болатын белгілерге қарап қауіпті аурудан күдіктенуге болады. Әрине, онкология мұндай атипті белгілер сирек көрінеді.
Алақаныңызға, теріңізге, саусақтарыңызға қараңыз. Мынадай өзгерістер сізге міндетті түрде аурудың алдын алуға көмектеседі.
• Алақан терісі барқыттай болып,әжім түседі. Ыстық ваннада отырғаннан кейін алақандарыңыз қалай көрінетінін есіңізде ме? Саусақтар кішірейіп, жеңілірек болып көрінеді. Сарапшылардың пікірінше, бұл өкпенің қатерлі ісігінің белгісі болуы мүмкін;
• Алақандарда қызару және бөртпе пайда болды – олар ауырмауы мүмкін, бірақ мезгіл-мезгіл қатты қышиды;
• Саусақтарыңыздың пішіні өзгерді. Саусақтардың ұштары барабан таяқшасының көрінісін беретін үлкенірек болып көрінсе, абай болу керек;
• Тырнақ түбінің жұмсаруы және тырнақ айналасындағы терінің қызаруы;
• Тырнақ терісі ұлғаяды, бұл тырнақтың әдеттегіден көбірек бүгілуіне әкеледі.
Мұндай өзгерістер әртүрлі онкологиялық процестер туралы белгі береді, бірақ көбінесе бұл өкпенің қатерлі ісігінің көрінісі.
Өкпенің қатерлі ісігін қалай білуге болады?
Онкологтар өкпенің қатерлі ісігінің көрінісі болуы мүмкін келесі белгілерге назар аударуды ұсынады:
• тұрақты жөтел (қанды түкіру);
• ентігу;
• кеудедегі ауырсыну;
• дауыстың қарлығуы;
• салмақ жоғалту.
Мұндай белгілер негізгі саналады. Егер сіз өзіңізде аталған «дабыл қоңырауларын» байқасаңыз, жалпы тәжірибе дәрігеріне, пульмонологқа немесе онкологқа хабарласыңыз. Дәрігер тексереді және қажет болған жағдайда өкпенің КТ (немесе басқа диагностикалық әдіс) тағайындайды, бұл ауруды растауға немесе жоққа шығаруға көмектеседі.
Фото: Egemen.kz
