Блогтар мен пікірлер

Мен түрмеден шыққанда бірінші шай берген Тоқаев – Жақсыбек Құлекеев

Бұл туралы бұрынғы Экономика және сауда, Білім және ғылым министрі Жақсыбек Құлекеев «Сұрауы бар» Youtube арнасына берген сұхбатында айтты.

«Мен түрмеден шыққан уақытта қазақ болған соң, әрине, жақын туыстарым, айналам шақырып шай беріп жатты. Ал бұрынғы қызметтес болғандардың ішінде үйіне шақырып бірінші шай берген азамат – Қасым-Жомарт Кемелұлы. Ол кезде Тоқаев Сенат төрағасы еді. Түрмеден шығып келген мені үйіне шақырып дастархан жайды. Екеуміз кешкі сағат 6-дан түнгі 2-3 ке дейін ұзақ отырып әңгімелестік. Содан кейін мемлекет мәселелері, қабылданып жатқан шешімдер бойынша пікірімді сұрады. Кетіп бара жатқанымда маған «Жәке, осы айтқандарымды маған жазып берші» деді. Сосын екі-үш күн отырып 20-30 парақ қағаз жазып бердім. Анда-санда шақырып тұрады. «Сенің жазғандарыңды әлі тастамай оқып жүрмін» деп айтады. Ол, әрине, менің көңілімді аулап айтқан болуы мүмкін. Дегенмен де ондай нәрселер маған қуат беріп жүрді десем артық айтқандық емес», – деп пікір білдірді экономист.

Бірақ Құлекеев Тоқаевты досым деп айта алмайтынын түсіндірді.

«Этикалық тұрғыдан Президентті досым деп айту этикалық тұрғыда дұрыс емес. Егер ол кісі айтатын болса мен үші үлкен мақтаныш болар еді. Себебі қызметі төмен адамның жоғары қызметтегі адамға досым еді десе жараспайды. Жақсы азамат, мен оны сыйлаймын десе сол маған жеткілікті», – дейді ол.

Еске сала кетсек, Жақсыбек Құлекеев «Қазақстан темір жолы» компаниясын басқарған тұста, яғни 2008 жылдың 1 сәуірінде 100 мың доллар көлемінде пара алды деген айыппен қамауға алынған болатын. Қызмет бабын асыра пайдалана отырып жасаған заңсыздықтары үшін кінәлі деп танылып, 3 жылға бас бостандығынан айырылды.

Сұхбаттың толық нұсқасын төмендегі сілтемеден көруге болады.

Жазба қандай әсер қалдырды?

Жазбаға баға беріңіз!

Орташа 3.2 / 5. Бағалар саны: 37

Әзір ешкім бағаламапты. Алғашқы болып баға беріңіз!

Пікір жазу үшін басыңыз

Leave a Reply

Э-пошта мекенжайыңыз жарияланбайды. Міндетті өрістер * таңбаланған

Ең Танымал

Редакциямен байланыс:

E-mail: info@newsroom.kz

Телефондар: +7 (775) 186-21-13, Нұр-Сұлтан қ.

ZERO.kz

Лицензия

ҚР Ақпарат және коммуникациялар министрлігінің 25.05.2017 жылдан №16544 «NewsRoom +» АА Куәлігі берілген.
© 2017-2022
Сайттағы материалдарды пайдаланғанда міндетті түрде сілтеме берулеріңізді сұраймыз. Ақпараттық порталдағы авторлық және басқа да құқықтар толығымен қорғалатынын ескертеміз. Автордың жеке пікірі редакцияның көзқарасы болып саналмайды. Жарнама мен түрлі хабарландыруларға жарнама беруші жауапты.