Трамптың Нобель сыйлығына қатысты наразылығына жауап берілді
Норвегияның сыртқы істер министрі Эспен Барт Эйде АҚШ президенті Дональд Трампқа Нобель бейбітшілік сыйлығын беру туралы шешімді Норвегия үкіметі емес, тәуелсіз комитет қабылдайтынын еске салды. Бұл туралы Newsroom.kz хабарлайды.
Министр осылайша Трамптың Нобель бейбітшілік сыйлығын алмағанына байланысты Норвегияға айтқан сынына жауап берген.
«Ол Нобель комитетінің тәуелсіз екенін жақсы біледі. Күмән туындаған кезде біз оған мұны бұған дейін де ескерткенбіз. Ештеңе өзгерген жоқ», – деді Эйде.
Бұған дейін Дональд Трамп бейбітшілік сыйлығының өзіне берілмегеніне тағы да наразылық білдірген.
2026 жылғы Нобель бейбітшілік сыйлығы Оңтүстік Африка Республикасының заңгері, БҰҰ-ның Адам құқықтары жөніндегі бұрынғы жоғарғы комиссары Наванетхем Пиллэйге берілгені хабарланды.