Полиция мәліметінше, арнайы операция Мемлекеттік күзет қызметімен бірлесіп жүргізілген. Іс-шара барысында құрамында каннабис шайыры болуы мүмкін 238 печенье тәркіленді. Әрқайсысының салмағы шамамен 100 грамм болған.
Тергеу нұсқасына сәйкес, топ мүшелері өзара міндеттерді бөліскен. Бірі интернет-дүкендегі сауданы ұйымдастырса, өзгелері есірткіні өлшеп-ораумен, сақтаумен және жасырын орындарға қалдырумен айналысқан. Алдын ала мәлімет бойынша, интернет-дүкен тәулік бойы жұмыс істеген.
Арнайы операция кезінде жалдамалы пәтерлерден жасы 30-дан асқан бес ер адам бір мезгілде ұсталды.
Тінту барысында шамамен 12 келі есірткі заты табылған. Оның ішінде 8 келіден астам марихуана, 1,5 келі гашиш және шамамен 2 келі каннабис шайыры бар.
Қазіргі уақытта істің мән-жайы анықталып жатыр.
