Денсаулық сақтау министрлігінің мәліметінше, инфекция Қазақстанда да тіркелуі мүмкін. Алайда вирустың ел аумағында таралу қаупі төмен деп бағаланып отыр.
Маймыл шешегі — MPXV вирусы тудыратын жұқпалы ауру. Ол көбіне науқас адаммен тығыз байланыс кезінде беріледі. Негізгі белгілері — дене қызуының көтерілуі, бас пен бұлшықеттің ауыруы, лимфа түйіндерінің ісінуі және теріде бөртпенің пайда болуы. Көп жағдайда науқастар толық сауығып кетеді.
