Министрдің айтуынша, такси агрегаторларына оң рөлді 70 мың көліктің тізімі жіберілген. Енді аталған көліктерді такси ретінде тіркеуге мүмкіндік болмайды. Бұл талап Қазақстанда жолаушылар тасымалында оң рөлді көліктерді пайдалануға қойылған шектеулерге байланысты енгізіліп отыр.
Сонымен қатар жүргізуші куәліктерін автоматты түрде тексеру жүйесі енгізілуде. Осы арқылы жүргізуші куәлігі жоқ адамдардың такси қызметінде жұмыс істеуіне жол берілмейді.
Такси қауіпсіздігін арттыру үшін рейс алдында жүргізушілерді медициналық тексеруден, ал көліктерді техникалық бақылаудан өткізу тетігі әзірленеді.
Бұдан бөлек, такси саласында жүргізушілердің жауапкершілігін бағалауға арналған «балдық» жүйені енгізу жоспарланып отыр.
Мәліметінше, жол қауіпсіздігі мәселесі Ішкі істер министрлігінің ерекше бақылауында. 2026 жылы Қазақстанда жол-көлік оқиғаларының саны өткен жылмен салыстырғанда 5%-ға, қаза тапқандар саны 15%-ға, ал жарақат алғандар саны 6%-ға төмендеген.
