Павлодардағы асхана кассирі 7,3 млн теңгені өз шотына заңсыз аудартқан
Павлодарда асхана кассирі үш жыл бойы клиенттердің төлемін өзінің жеке шотына қабылдап, 7,3 млн теңге иемденгені анықталды. Сот оны кінәлі деп танып, шартты жаза тағайындады.
Павлодарда асхана кассирі үш жыл ішінде клиенттердің төлемін өз шотына қабылдап, 7,3 млн теңгені заңсыз алғаны үшін сотталды.
Әйел бұл асханада 12 жыл бұрын жұмысқа орналасқан: әуелі наубайшы болып істеп, 2020 жылдан бастап кассир қызметін атқарған. Сол кезде асханада ақша аударым арқылы нысан иесінің шотына түсетін, бірақ кейін салық органдарының бақылауы күшейген соң бұл тәсілге тыйым салынған.
Осыдан кейін кассир клиенттерге өз телефон нөмірін берген. Асханада қатаң бақылау жүргізілмегендіктен, ол 2020 жылдан 2023 жылға дейін төлемдерді өз шотына еркін қабылдап отырған.
Іс кездейсоқ әшкереленген. 2024 жылғы 1 қаңтарда кассир отбасылық жағдайына байланысты жұмыстан сұранып кеткенде, оның орнына кассаға бухгалтер тұрған. Сол кезде бухгалтер клиенттердің тапсырыс ақысын кассирдің нөміріне аударып жатқанын байқап, бұл туралы басшысына хабарлаған.
Кейін кәсіпорын басшысы кассирден банк үзіндісін сұратқан. Сот құжатында көрсетілгендей, әйел өз кінәсін сезініп, төлемдер туралы басшысының біліп қойғанын бірден түсінген. Құжаттар тексерілген соң, аударымдардың нақты көлемі есептелді. Алғашында асхана иесі шығынды шамамен 10 млн теңге деп бағалаған, кейін кассир бұл соманың 7,3 млн теңге екенін дәлелдеген.
Полиция кража фактісі бойынша қылмыстық іс қозғаған. Межрайондық қылмыстық істер жөніндегі Павлодар соты айыпталушының кінәсі дәлелденгенін, оның айыпты жоққа шығармағанын және үкім шығарылғанға дейін залалды толық өтегенін ескерді. Жаңа Конституцияның қабылдануына орай жарияланған амнистияны қолдана отырып, сот оған 3 жыл 4 ай шартты жаза тағайындады.