Оқиға Тұғыл ауылдық округі аумағында болған. Үш ер адам балық аулау үшін көлге шыққан. Қатты жел салдарынан қайық аударылып кеткен. Үш балықшының бірі, 1968 жылы туған 58 жастағы ер адам өздігінен жағаға жүзіп шыққан. Оған жергілікті тұрғындар көмектескен. Ал 1968 және 1995 жылы туған екі ер адам суға кеткен.
Құтқарушылардың мәліметінше, балықшылардың үстінде құтқару кеудешелері болмаған. Бұған дейін өңірде дауылды ескерту жарияланған.
Оқиға орнында жедел штаб құрылды. Іздестіру-құтқару жұмыстарына ТЖД күштері мен құралдары, катерлер, қайықтар, ұшқышсыз ұшу аппараттары және суасты дроны жұмылдырылған. Іздеуге жергілікті тұрғындар да қайықтарымен қатысып жатыр.
18 қыркүйектегі мәлімет бойынша, екі балықшыны іздеу жұмыстары бірнеше тәуліктен бері жалғасып жатыр. Құтқарушыларға қолайсыз ауа райы қиындық келтіруде.
