Марғұлан университетінің ұжымына жаңа Басқарма Төрағасы – ректор Алтынбек Нухұлы таныстырылды. Ректорды таныстыру рәсіміне ҚР Ғылым және жоғары білім вице-министрі Гүлзат Көбенова қатысты.
Алтынбек Нухұлының ғылыми және басқару салаларында тәжірибесі мол. Ол – химия ғылымдарының докторы, профессор, ҚР Ұлттық ғылым академиясының академигі. Сонымен қатар ол жоғары білім, ғылым және мемлекеттік басқару бағыттарында қызмет атқарып, Парламент Сенатының үш шақырылымында депутат болған.
Жаңа басшылық кезеңінде университеттің даму стратегиясына бірқатар басымдық енгізілмек. Атап айтқанда, педагогикалық білім беру жүйесін жаңарту, студенттердің болашақ мамандығына практикалық тұрғыдан дайындығын күшейту, ғылыми жұмыстардың әлеуетін арттыру көзделіп отыр.
Бұдан бөлек, оқу үдерісін цифрландыру және жасанды интеллект мүмкіндіктерін білім беру мен ғылыми қызметке енгізу университеттің негізгі даму бағыттарының бірі болмақ.
