Оқиға 25 тамыз күні сағат 14:00 шамасында, шамамен 2500 метр биіктікте болған. Құлаған тастар жолға жетпеген. Алдын ала мәлімет бойынша, зардап шеккендер мен қираған нысандар жоқ.
«Қазселденқорғау» мамандары аумақты тексеріп, тас құлауы тау беткейінің жартасты бөлігінен болғанын анықтады.
Мамандардың мәліметінше, бұған тау жыныстарының табиғи үгілуі, температураның өзгеруі және жауын-шашын әсері себеп болуы мүмкін.
Әлеуметтік желідегі кадрларда тау баурайынан төмен қарай тастардың құлап, айналаны шаң басқан сәті көрінеді.
