2024 жылғы қаңтарда Хинд отбасының алты мүшесімен бірге көлікте келе жатқан кезде оққа ұшыраған. Алғашқы шабуылдан кейін қыз тірі қалып, көліктің ішінде жалғыз қалған. Ол Палестина Қызыл Жарты Ай қоғамының диспетчерлеріне бірнеше сағат бойы телефон арқылы көмек сұраған.
Кейін Хиндті құтқару үшін Қызыл Жарты Айдың екі медицина қызметкері -Юсуф Зейно мен Ахмад әл-Мадхун - жедел жәрдем көлігімен жолға шыққан. Алайда олармен байланыс үзілген. 12 күннен кейін Хинд пен оның алты туысының денесі оқ тескен көліктің ішінен табылды.
Бұған дейін Израиль әскері оқиға болған жерде өз күштері болмағанын мәлімдеген еді. Алайда 2026 жылғы тамызда жүргізілген ішкі тексерістен кейін әскерилер көлікке оқ атылғанын мойындады. Енді іс бойынша қылмыстық тергеу жүргізіледі.
Хинд Ражабтың оқиғасы әлемге оның көмек сұраған соңғы қоңырауы арқылы кеңінен танылды. Кейін бұл оқиға режиссер Каусер Бен Ханияның «The Voice of Hind Rajab» фильміне арқау болды. Фильм 2025 жылғы Венеция кинофестивалінде көрсетіліп, халықаралық назарға ие болды.
