Құрылтай сайлауы күні Астанада қоғамдық көлік тегін қатынайды
23 тамызда Қазақстан Республикасы Құрылтайы депутаттарының сайлауына байланысты Астанадағы қоғамдық көліктің барлық негізгі бағыттарында жолаушылар тегін қатынай алады. Бұл туралы Newsroom.kz хабарлайды.
Астана тұрғындары мен қала қонақтары сайлау өтетін күні қоғамдық көлікті ақысыз пайдалана алады. Бұл мүмкіндік елордадағы қоғамдық көліктің бірнеше түріне қатысты.
Тегін жол жүру Tarlan Astana жеңіл рельсті көлік жүйесінде, сондай-ақ қалалық, экспресс және қала маңы бағыттарында қарастырылған.
Қалалық әкімдік бұл шешімнің тұрғындардың қала ішінде еркін қозғалуына және сайлау учаскелеріне кедергісіз жетуіне жағдай жасау мақсатында қабылданғанын хабарлады.
Жолаушыларға 23 тамызға жоспарланған сапарлары кезінде осы өзгерісті ескеріп, маршруттарын алдын ала жоспарлау ұсынылады.