Тамара Асардың ұлы сүйіктісін алғаш рет көпшілікке таныстырды
Әнші Тамара Асардың тұңғышы Қамбар әлеуметтік желіде сүйіктісімен бірге түскен суретін жариялап, көпшіліктің назарын аударды. Желі қолданушылары жас жұпқа ақ тілектерін жаудырып, әншінің отбасында жуырда қуанышты той болуы мүмкін екенін жазуда.
Қазақстандық әнші Тамара Асардың ұлы Қамбар жеке әлеуметтік желідегі парақшасында сүйіктісімен бірге түскен фотосын жариялады. Бұл жазба көпшіліктің қызығушылығын тудырып, пікір білдірушілер саны артты.
Желі қолданушылары жас жұптың жарасымды көрінетінін айтып, оларға бақыт тілеп, алдағы уақытта үйлену тойының хабарын күтетіндерін жасырмады. Кейбір оқырмандар әзіл-қалжың аралас пікір қалдырып, Тамара Асардың жақын арада құдағи атануы мүмкін екенін жазды. Ал енді бірі жеке өмірдің тыныштығын сақтап, бақытты сәттерді көпшілікке асықпай жариялауға кеңес берген.
Еске салайық, Қамбар – Тамара Асардың алғашқы некесінен туған ұлы. Ал әншінің қазіргі отбасында Ажар есімді қызы өсіп келеді.
Жас жігіттің жариялаған суреті әлеуметтік желіде кеңінен талқыланып, оқырмандардың ыстық ықыласына ие болды. Көпшілік қос ғашыққа бақыт, татулық және баянды махаббат тіледі.