Ақтауда өткен «ӘDILET EVENT» Open Air кешіне 10 мыңнан астам адам жиналды
«Әділет» партиясы Республикалық сайлауалды штабының Маңғыстау облысындағы жұмыс сапары Каспий теңізі жағалауында өткен ауқымды «ӘDILET EVENT» Open Air кешімен қорытындыланды. Музыкалық бағдарлама мен дрон-шоу ұйымдастырылған іс-шараға Ақтау қаласының тұрғындары мен қонақтарын қосқанда 10 мыңнан астам адам қатысты.
27 шілде күні Ақтаудағы Каспий теңізінің жағалауында «Әділет» партиясының бастамасымен «ӘDILET EVENT» Open Air мәдени кеші өтті. Ашық аспан астында ұйымдастырылған іс-шара Республикалық сайлауалды штабтың Маңғыстау облысындағы жұмыс күнінің қорытынды кезеңіне айналды.
Ұйымдастырушылардың мәліметінше, кешке 10 мыңнан астам тұрғын мен қала қонағы жиналған. Бағдарлама аясында қазақстандық эстрада жұлдыздарының қатысуымен концерт өтіп, заманауи жарық эффектілері мен ауқымды дрон-шоу көпшілік назарына ұсынылды.
Кеш барысында музыка мен көркем қойылымдар ерекше атмосфера қалыптастырып, мыңдаған көрермен Каспий жағалауында бас қосты. Ашық алаңдағы концерт өңір тұрғындары мен туристер үшін жаз мезгіліндегі ең ірі мәдени шаралардың біріне айналды.
Айта кетейік, «Әділет» партиясының Республикалық сайлауалды штабы бұған дейін Маңғыстау облысында бірқатар кездесулер өткізіп, өңірдің әлеуметтік-экономикалық дамуы, өнеркәсіпті қолдау және жаңа жұмыс орындарын құру мәселелерін талқылаған болатын. Open Air кеші осы жұмыс сапарының қорытынды мәдени іс-шарасы ретінде ұйымдастырылды.