Иранда соғыс басталғалы бері 21 адам өлім жазасына кесілді — БҰҰ
БҰҰ Ирандағы өлім жазаларының қайта көбейгеніне алаңдаушылық білдіріп, ел билігін иран халқының құқықтарын «қатал әрі қатыгез түрде» шектеу, азаптау, адамдарды күштеп жоғалту және азшылық өкілдеріне қарсы қуғын-сүргін жүргізу үшін айыптады,— деп хабарлайды newsroom.kz
Таяу Шығыстағы соғыс басталғалы бері Иранда кемінде 21 адам өлім жазасына кесіліп, 4000-нан астам адам ұсталған. Бұл деректерді сәрсенбі күні БҰҰ-ның Адам құқықтары жөніндегі басқармасы жариялады.
Ұйым мәлімдемесінде кемінде 9 өлім жазасы қаңтар айындағы наразылықтарға байланысты болғаны, 10 адамның оппозициялық немесе жау топтарға қатысы бар деген күдікпен жазаланғаны, ал тағы екі адамның тыңшылық айыбымен өлім жазасына кесілгені айтылған.
Барлық өлім жазалары 28 ақпанда АҚШ пен Израиль Иранға соққы бере бастағаннан кейін жүзеге асырылған.